राष्ट्र बैंकले नेप्सेमा रहेको शेयर स्वामित्व कहिले घटाउला ?

Nov 07, 2018 Merolagani

समय समयमा नेपाल स्टक एक्सचेञ्जमा रहेको राष्ट्र बैंकको शेयर स्वामित्व घटाउने बहस हुँदै आएको छ । यो बहस फेरी चर्चामा आएको छ । नेप्सेको अनलाइन कारोबार प्रणालीको सुरुवातका क्रममा राष्ट्र बैंकका डेपुटि गर्भनर शिवराज श्रेष्ठले नेप्सेमा रहेको राष्ट्र बैंकको स्वामित्व घटाउने बताएका हुन् ।

डेपुटी गभर्नरको यो भनाई सार्वजनिक भए पछि बजारमा फेरी नेप्सेका सम्बन्धमा चर्चा सुरु भएको हो ।

नेप्सेमा राष्ट्र बैंकको ३४.६ प्रतिशत शेयर स्वामित्व छ । राष्ट्र बैंकको नियम अनुसार १० प्रतिशत भन्दा बढि लगानी गर्न नमिल्ने भएकोले शेयर स्वामित्व घटाउने श्रेष्ठले बताएका हुन् ।

राष्ट्र बैंकले सकारको निर्देशन अनुसार पूँजी लगानी गर्ने, कार्यनीतिहरु बनाउने र सहजकर्ताको निर्वाह गर्दै आएको श्रेष्ठले बताए ।

यस विषयमा सोहि कार्यक्रममा अर्थमन्त्री डा. युवराज खतिवडाले पनि संस्थागत तथा पूँजीगत रुपमा नेप्सेको पुर्नसंरचना आवश्यक रहेको बताएका छन् । नेप्से स्वयात्त संस्थाका रुपमा अघि बढ्न आवश्यक रहेको अर्थमन्त्रीको भनाई थियो । नेप्सेका शेयरधनीका बिचमा कुनै विवाद नआउने गरि पूँजीगत संरचना परिमार्जन गर्नु पर्ने उनको भनाई छ ।

यसरी सयम समयमा नेप्सेको कर्पोरेटाइजेशनका साथै पुनरसंरचनाको विषयमा चर्चा हुने गरे पनि व्यवहारिक रुपमा काम भएको छैन ।

अहिले नयाँ स्टक एक्स्चेञ्ज ल्याउने प्रकृया नै सुरु हुन लागेको अवस्थामा नेप्सेको क्षमता बिस्तारका लागि चर्चाका विषय छिटो व्यवहारमा उतार्न पर्ने देखिन्छ ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।