नेपाल स्टक एक्स्चेञ्जका अनुसार नेपाल बैंकले सर्वसाधारणमा निष्काशन गरेको १ करोड ७६ लाख ८४ हजार ८५८ कित्ता शेयर दोस्रो बजारमा कारोबारका लागि सूचीकरण गरिएको हो ।
अब एफपिओ बाँडफाँडका क्रममा आवेदन गर्नेहरु र ८ वटा मर्चेण्ट बैंकरको डिम्याट खातामा उल्लेखित शेयर पठाउने काम हुनेछ ।
त्यस पछि बल्ल प्रत्याभुतकर्ताहरुले आफ्नो डिम्याट खाताबाट सम्झौता अनुसारको शेयर तेस्रो पक्षलाई बजार मूल्य अनुसार बिक्री गर्ने छन् । नेपाल स्टक एक्स्चेञ्जले नेपाल बैंकको एफपिओको म्यान्नुअल कारोबार अस्वीकृत गरे पछि मर्चेमण्ट बैंकरहरुलाई असहज परिस्थिती बनेको हो ।
एफपिओ निष्काशनका दौरान २८० रुपैंया हाराहारीमा भएको कारोबार सम्झौता अनुसारको सेयर तेस्रो पक्षको नाममा पठाउँदा बजारमा ३ सय रुपैंयाभन्दा बढीका कारोबार भएको देखिन्छ । यसले पूँजीगत लाभकर तिर्नु पर्ने तथा नभएको नाफा हिसावमा मिलान गर्नु पर्ने अवस्थामा प्रत्याभूतकर्ताहरु पुगेका हुन् ।
यता सेञ्चुरी कमर्शियल बैंकको बोनस सेयर पनि आइतबार नै नेप्सेमा सूचीकृत भएको छ । नेप्सेका अनुसार बैंकको ३८ लाख ३९ हजार ७३० कित्ता शेयर कारोबारका लागि सूचीकरण भएको हो ।
बैंकले अघिल्लो आर्थिक वर्ष (२०७३/०७४) को कमाईबाट लगानीकर्तालाई ५ प्रतिशत बोनस बितरण गर्ने निर्णय गरेको थियो । गत आर्थिक वर्षको कमाईबाट लगानीकर्तालाई प्रतिफल बितरण गर्ने प्रस्ताव बैंकले गरिसकेको छैन ।
