यस सुविधाका लागि कोषले राष्ट्रिय बीमा कम्पनीसँग आज कार्तिक २८ गते बुधबार सझौता गरेको छ । सम्झौतापत्रमा कोषको तर्फवाट प्रशासक तुलसी प्रसाद गौतम र बीमा कम्पनीको तर्फबाट प्रमुख कार्यकारी अधिकृत वीर विक्रम रायमाझीले हस्ताक्षर गरे । सम्झौता तीन वर्षको लागि हुनेछ ।
सम्झौता अनुसार सञ्चयकर्ताले सामान्य उपचारको लागि एक लाख रुपैयाँ र कडा रोगका लागि १० लाख रुपैयाँको स्वास्थ्य बीमा सुविधा पाउनेछ ।
यस योजनामा कोषको नियमित सञ्चयकर्तालाई अतिरिक्त उमेर हद वा पदावधिका कारण अवकाश प्राप्त भई ६ वर्ष सम्म कोषबाट रकम भुक्तानी नलिएका सञ्चयकर्ताहरुलाई समते समेटिनेछ । यस्तै मृत्यु बापत दाबी गर्न नपाईने भएपनि त्यस पुर्व उपचार गर्दा लागेको खर्च भने दाबी गर्न सकिनेछ ।
सञ्चयकर्ताहरुले नीजि क्लिनिक बाहेक नेपाल सरकारबाट मान्यता प्राप्त हस्पिटल तथा स्वास्थ्य संस्था मार्फत सुविधा लिन सक्नेछन् । यस्तै चिकित्सकको सुझावमा नेपालमा उपचार गर्न नसकिने रोगका लागि विदेशमा उपचार गर्दा समेत यस योजनाले खर्च व्याहोर्नेछ ।
बढ्दै गएको खर्चिलो स्वास्थ्य उपचारमा यस योजनाले सहयोग पुग्ने कोषका प्रशासक गौतमले बताए । सञ्चयकर्ताको अप्ठेरोमा यस कार्यक्रमले भरथेग गर्ने उनको दाबी छ । यस्तै राष्ट्रिय बीमा कम्पनीका प्रमुख कार्यकारी अधिकृत रायमाझीका अनुसार संञ्चयकर्ताहरुलाई स्वास्थ्य सुविधामा लाभ पुग्नेछ ।
यस कार्यक्रम लागू भएपश्चात सञ्चयकोषमा आवद्ध हुने सञ्चयकर्ताको संख्यामा समेत व्यापक वृद्धि हुने उनको दाबी छ । भविष्यमा सञ्चयकर्ताको परिवार तथा अवकाश प्राप्त सञ्चयकर्तालाई समेत समावेश गरी सम्वन्धित व्यक्तिले आवश्यक बीमा शुल्क तिर्ने गरी बीमा योजना विस्तार गर्ने काषेको तयारी छ ।
