खुद नाफा ३० करोड, फ्रि प्रोफिट २५ करोड
बैंकले पहिलो त्रैमासमा ३० करोड ३० लाख खुद नाफा गरेको छ । जुन गतबर्षको यसै अवधिको तुलनामा ३४.१२ प्रतिशत बढी हो । गतबर्षको यसै अवधिमा बैंकले २२ करोड ५९ लाख खुद नाफा गरेको थियो ।
तर नेपाल फाइनान्सियल रिर्पोटिङ स्ट्याण्र्डड अनुसार रेगुलेटरी एडजसमेन्ट पश्चात भने बैंकको फ्रि प्रोफिट २५ करोड १३ लाख रहेको छ । जुन गतबर्षको भन्दा ३९ प्रतिशत बढी हो ।
एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरेपश्चात बैंकले शेयरधनीलाई लाभांश वितरणमा उपयोग गर्न सक्दछ ।
बैंकको सञ्चालन मुनाफा, ब्याज आम्दानी तथा नियमित कारोबारबाट हुने आम्दानी बढेपछि नाफामा बढोत्तरी आएको हो ।
साथै बैंकले खराब कर्जा समेत घटाएको छ । तर बैंकको ब्याज खर्च, कर्मचारी खर्च लगायतका खर्च भने बढेका छन् ।
कर्जा र निक्षेप विस्तारमा सन्तुलन
बैंकले यसअवधिसम्म ६९ अर्ब ७ करोड रुपैयाँ निक्षेप संकलन गरी ६४ अर्ब ६२ करोड रुपैयाँ कर्जा लगानी गरेको छ। बैंकको निक्षेप १७.७८ प्रतिशत तथा कर्जा लगानी १८.८६ प्रतिशतले बढेको छ ।
बैंकको निक्षेप संकलनको अनुपातमा कर्जा लगानीको अनुपात केहि बढी छ । जसले गर्दा कर्जा निक्षेप अनुपात सिडि रेशियो ७८.०४ प्रतिशत पुगेको छ । जसले गर्दा बैंकलाई थप कर्जा विस्तार गर्न निक्षेप बढाउनुपर्ने बाध्यता छ ।
पहिलो त्रैमासमा बैंकको खुद ब्याज आम्दानी ७४ करोड छ। बैंकको खुद ब्याज आम्दानी २७ प्रतिशतले बढेको हो। बैंकको अधार ब्याजदर ११.२८ प्रतिशत पुगेको छ भने कोषको लागत बढेर ७.६४ प्रतिशत छ ।
निष्क्रिय कर्जा घट्यो
बैंकको पूँजीको आकार सामान्य बढ्दा निष्क्रिय कर्जाको आकार भने केही घटाएको छ । यसअवधिमा बैंकको खराब कर्जा १.५० प्रतिशत छ । गतबर्ष यस्तो अनुपात १.७८ प्रतिशत थियो । गत बर्षको तुलनामा खराब कर्जाको असुली केही कम भएपनि जोखिम वापतको व्यवस्थापन खर्च भने घटाएको छ ।
प्रतिशेयर आम्दानी र नेटवर्थ बढ्यो
बैंकको प्रतिशेयर आम्दानी १४.७४ रुपैयाँ, मुल्य आम्दानी अनुपात १६.९६ गुणा, प्रतिशेयर नेटवर्थ १५०.०२ रुपैयाँ छ । गत बर्षको पहिलो त्रैमासमा बैंकको प्रति शेयर आम्दानी दश रुपैयाँ ९९ पैसा थियो ।
बैंकको चुक्ता पूँजी ८ अर्ब २२ करोड रुपैयाँ छ भने जगेडा कोषमा चार अर्ब ११ करोेड रुपैयाँ छ। बैंकको जगेडा कोषको आकारमा समेत सुधार आएको छ ।