नेपाल फाइनान्सियल रिर्पोटिङ स्ट्याण्डर्ड (एनएफआरएस) प्रणाली अनुसार सेञ्चुरीले चालू आवको प्रथम त्रैमासमा २७ करोड ४० लाख रुपैयाँ खुद मुनाफा आर्जन गरेको उल्लेख छ ।
गत वर्षको यही समयको तुलनामा बैंकले १३ करोड ३८ लाख रुपैयाँ खुद नाफा आर्जन गरेको थियो । समीक्षा अवधिमा बैकले खुद नाफामा १०४.७८ प्रतिशतले प्रगति हासिल गरेको छ ।
फ्रि प्रोफिट २० करोड
एनएफआरएस प्रणाली अनुसार सेञ्चुरीले रेगुलेटरी एडजसमेन्ट वापत ७ करोड ३९ लाख रुपैयाँ व्यवस्था गर्दा बैंकको खुद नाफाभन्दा फ्रि प्रोफिट घटेको छ ।
यस अवधिमा बैंकले २० करोड ७६ हजार रुपैयाँ वितरण योग्य नाफा (फ्रि प्रोफिट) गरेको गरेको छ । गत वर्ष बैंकको फ्रि प्रोफिट १० करोड ५७ लाख रुपैयाँ रहेको थियो ।
एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरेपश्चात बैंकले शेयरधनीलाई लाभांश वितरणमा उपयोग गर्न सक्दछ ।
६२ अर्ब निक्षेप संकलन गर्दा ५७ अर्ब कर्जा परिचालन
सेञ्चुरी कमर्सियल बैंकले चालू आवको प्रथम त्रैमासम्ममा ६२ अर्ब ३७ करोड ९ लाख रुपैयाँ निक्षेप संकलन गर्दा ५७ अर्ब ५४ करोड ५० लाख रुपैयाँ बराबरको कर्जा प्रवाह गरेको छ ।
समीक्षा अवधिमा बैंकले ३७.५३ प्रतिशतले निक्षेप संकलन गर्दा कर्जा विस्तार ४४.३३ प्रतिशतले बढाएको छ । गत आवको प्रथम त्रैमासमा बैंकले ४५ अर्ब ३५ करोड निक्षेप संकलन गरेर ३९ अर्ब ८६ करोड रुपैयाँ कर्जा परिचालन गरेको थियो ।
खुद ब्याज आम्दानी ८० करोड
लगानी र निक्षेपलाई सन्तुलनमा राखेर साना कम्पनीहरुलाई प्राप्तीबाट आफ्नो व्यवसाय विस्तार गरेपछि बैंकको खुद ब्याज आम्दानी रकम ४६ करोड ५४ लाख रुपैयाँबाट ७२.१९ प्रतिशतले बढाएर ८० करोड १५ लाख पुर्याएको छ ।
बैंकको सञ्चालन नाफा १९ करोड ११ लाखबाट ३९ करोड १४ लाखमा बढोत्तरी भएको छ ।
खराब कर्जा घटाउनु सकारात्मक
इन्नोभेटिभ डेभलपमेन्ट बैंक, अल्पाइन डेभलपमेन्ट बैंक, सगमाथा फाइनान्स लगायतका कम्पनीलाई प्राप्ती गरेको बैंकले व्यवसाय विस्तारसँगै खराब कर्जामा उलेख्य घटाएको छ ।
गत वर्षको प्रथम त्रैमाससम्ममा १.७० प्रतिशत खराब कर्जा चालू वर्षको यसै त्रैमासमा घटेर ०.८२ प्रतिशतमा झरेको छ ।
प्रतिशेयर आम्दानी बढ्यो
सेञ्चुरी बैंकले लगानी अनुसार प्रतिफल आर्जन गर्दै बार्षिक प्रतिशेयर आम्दानीमा सुधार गरेको वित्तीय विवरण सार्वजनिक गरेको छ ।
गत वर्षको यसै अवधिमा ९ रुपैयाँ ८० पैसा रहेको बैंकको प्रतिशेयर आम्दानी १३ रुपैयाँ ५९ पैसामा वृद्धि भएको छ ।
बैंकको नेटवर्थ भने १२५ रुपैयाँ ९८ पैसाबाट घटेर ११७ रुपैयाँ १५ पैसा कायम भएको छ । उसको मूल्य आम्दानी अनुपात १९.२३ गुणा रहेको छ ।
