४७ करोड ५८ लाख रुपैयाँ फ्रि प्रोफिट
चालू आवको प्रथम त्रैमासमा राष्ट्र बैंकको रेगुलेटरी एड्जस्टमेन्टमा १७ करोड ३७ लाख रुपैयाँ व्यवस्था गर्दा बैंकको फ्रि प्रोफिट खुद नाफा भन्दा घटेको छ ।
नेपाल फाइनान्सियल रिर्पोटङ स्टयाण्डर्ड (एनएफआरएस) रिर्पोट अनुसार वित्तीय विवरण अनुसार बैंकले ४७ करोड ५८ लाख रुपैयाँ वितरण योग्य नाफा (फ्रि प्रोफिट) गरेको छ ।
गत वर्षको यसै अवधिको तुलनामा बैंकको फ्रि प्रोफिट ५६.८४ प्रतिशतले धेरै हो । गत वर्षको प्रथम त्रैमासमा बैंकको फ्रि प्रोफिट ४१ करोड एक लाख रुपैयाँ थियो ।
एनएफआरएस रिर्पोट अनुसार रेगुलेटरी एड्जस्टमेन्ट पश्चात कायम हुने फ्रि प्रोफिट केन्द्रीय बैंकले तोकेको प्रावधान अनुसार तोकिएको शिर्षकहरुमा व्यवस्था गरे पछि बैंकले शेयरधनीलाई लाभांश वितरण गर्न सक्दछ ।
निक्षेप संकलनमा भन्दा कर्जा लगानीमा जोड
असोज मसान्तसम्ममा बैंकको निक्षेप संकलनमा भन्दा कर्जा लगानीमा जोड दिएको छ ।
चालू आवको पहिलो त्रैमासमा एक खर्ब दुई अर्ब ४५ करोड ९१ लाख रुपैयाँ निक्षेप संकलन गरेको बैंकले ९४ अर्ब २४ करोड ७ लाख रुपैयाँ कर्जा परिचालन गरेको छ ।
बैंकले गत वर्षको सोही अवधिको तुलनामा ७.३० प्रतिशतले निक्षेप संकलन बढाएको हो भने १८.७८ प्रतिशतले धेरै कर्जा लगानी गरेको हो ।
खुद ब्याज आम्दानीमा उल्लेख्य सुधार
यस बैंकले खुद ब्याज आम्दानीमा उल्लेख्य सुधार भएको छ । यस अवधिमा बैंकले एक अर्ब ३१ करोड २८ लाख रुपैयाँ खुद ब्याज आम्दानी गरेको छ । यो गत वर्ष यसै अवधिको तुलनामा ५३ करोड ७३ लाख रुपैयाँले धेरै हो ।
गत अवको प्रथम त्रैमासमा बैंकले ७७ करोड ५४ लाख रुपैयाँ मात्र खुद ब्याज आम्दानी गरेको थियो ।
निष्कृय कर्जा अनुपात बढ्याे
गत आर्थिक वर्षको प्रथम त्रैमासको तुलनामा बैंकको निष्कृय कर्जा अनुपात यस त्रैमासमा बढेको छ । गत वर्षको यसै अवधिमा बैंकमा निष्कृय कर्जा अनुपात १.२४ प्रतिशत रहेकोमा १.४६ प्रतिशतमा पुगेको हो ।
पूँजी सँगै जगेडा कोष पनि मजबुत
बैंकले चुक्ता पूँजीसँगै जगेडा कोष पनि मजबुत पार्दै लगेको छ । यस त्रैमाससम्ममा हिमालयन बैंकले जगेडा कोष ६ अर्ब ८९ करोड ३९ लाख रुपैयाँ पुगेको छ । गत वर्षको यसै अवधिमा बैंकको जगेडा कोषमा ५ अर्ब ६८ करोड ६६ लाख रुपैयाँ सञ्चित थियो ।
प्रतिशेयर आम्दानी ३२ रुपैयाँ
बैंकले राष्ट्र बैंकले तोकेको न्यूनतम आठ अर्ब चुक्ता पूँजी कायम गरिसकेको छ । बैंकको प्रतिशेयर आम्दानी ३२ रुपैयाँ २ पैसा, प्रतिशेयर नेटवर्थ १८४ रुपैयाँ ९५ पैसा छ भने मूल्य आम्दानी अनुपात १७.१७ गुणा बढी छ ।
