गत आर्थिक बर्षको पहिलो त्रैमासमा ३ अर्ब ७५ करोड ३९ लाख रुपैयाँ खुद बीमा शूल्क आर्जन गरेको थियो ।
चुक्ता पूँजी ३ अर्ब ९ करोडबाट ४ अर्ब ३९ करोड रुपैयाँ पुर्याएको कम्पनीको जीवन बीमा कोषमा ५४ अर्ब ४३ करोड ६४ लाख रुपैयाँ पुगेको छ । गत आवको प्रथम त्रैमासमा उसको जीबन बीमा कोषमा ४३ अर्ब ३६ करोड ५३ लाख रुपैयाँ रहेको थियो ।
एनएलआईसीको जगेडा कोषमा सञ्चित रकम ३ अर्ब ६५ करोड ९८ लाख रुपैयाँ महाविपत्ती कोषमा ३७ करोड ११ लाख रुपैयाँ सञ्चित छ । समीक्षा अवधिमा महाविपत्ती कोष १० करोड ५६ लाखले बढ्दा ४२ प्रतिशत बोनस र २८.५३ प्रतिशत वितरणपछि कम्पनीको जगेडा कोष एक अर्ब २० करोड ६२ लाख रुपैयाँले संकुचन आएको हो ।
यस त्रैमासमा कम्पनीले ५० लाख रुपैयाँ पुर्नबीमा कमिशनबाट, लगानी कर्जा तथा अन्य आयबाट एक अर्ब ४ करोड २५ लाख रुपैयाँ अार्जन गरेकाे छ ।
उसले बीमालेख धितोमा ९ अर्ब ४६ करोड १४ लाख रुपैयाँ कर्जा लगानी गरेर २५ करोड ३७ लाख रुपैयाँ आम्दानी गरेको छ ।
यस अवधिमा कम्पनीले २० करोड ४१ लाख रुपैयाँ खुद नाफा गरेको छ । यो बीमाङ्कीय मूल्याङ्कन अघिको नाफा हो । यस्तो नाफा गत आर्थिक वर्षको पहिलो त्रैमासको तुलनामा २ करोड ६७ लाख रुपैयाँले बढेको छ । गत वर्षको यसै अवधिमा १७ करोड ७४ लाख रुपैयाँ खुद नाफा गरेको थियो ।
हाल कम्पनीको ११ लाख ८१ हजार १८३ वटा बीमा लेखहरु कायम छन् । हालसम्म कुल ७४ अर्ब ४ करोड रुपैयाँ आर्जन गरेको कम्पनीले १४ हजार ३३४ दाबी वापत २ अर्ब ३५ करोड रुपैयाँ भुक्तानी गरेको छ भने एक अर्ब ३१ करोड रुपैयाँ बराबरको दाबी भुक्तानी गर्न बाँकी छ ।
चुक्ता पूँजी बढोत्तरी भएपश्चात नेपाल लाइफको प्रतिशेयर आम्दानी भने २२ रुपैयाँ ९२ पैसाबाट १८ रुपैयाँ ५७ पैसामा झरेको छ । यस कम्पनीको प्रथम त्रैमासमा प्रतिशेयर नेटवर्थ १९१ रुपैयाँ ६३ पैसा र मूल्यआम्दानी अनुपात ५०.१२ गुणा बढी छ ।