ऋणपत्र निष्कासन सम्बन्धि सम्झौता पत्रमा सिटिजन्स बैंकका प्रमुख कार्यकारी अधिकृत राजन सिंह भण्डारी र ग्लोबल आइएमई क्यापिटलका प्रमुख कार्यकारी अधिकृत पारस मणी ढकाल बीच सम्झौता पत्रमा हस्ताक्षर भएको छ ।
२ अर्ब ५० करोड बराबरको ऋणपत्र मध्ये ८० प्रतिशत व्यक्तिगत र २० प्रतिशत सर्वसाधरणका लागि निष्काशन गर्न धितोपत्र बोर्डसँग माग गरिएको छ । बोर्डको स्वकृति पश्चात् बण्डको निष्कासन तथा बिक्री खुला गरिने बैंकले जनाएको छ ।
सिटिजन्स बैंकले ८० वटा शाखा, ७५ वटा ए.टि.एम. र ९९ वटा शाखा रहित बैंकिङ्ग एकाईहरुबाट करिव तीन लाख पचास हजार सेवाग्राहीलाई बैंकिङ्ग सेवा प्रदान गर्दै आएको छ ।