यस ऋणपत्रको बिक्री प्रबन्धक काठमाडौं क्यापिटल मार्केट रहेको छ । क्यापिटलका मर्चेन्ट बैंकिङ्ग प्रमुख सुभाष बस्नेतले सोमबार बेलुका ५ बजेसम्म १३ सय ५० भन्दाबढी आवेदकबाट ७२ हजार ५०० बढी कित्ताका लागि ७ करोड २५ लाख बराबरको आवेदन परेको बताए ।
सर्वसाधारण लगानीकर्ताका लागि छुट्टाइएको ऋणपत्रमध्ये अझै ३० करोड ७५ लाख रुपैयाँ बराबरको ३ लाख ७ हजार ५०० कित्ता हाराहारीमा बिक्री हुन बाँकी छ ।
बैंकले कात्तिक ३० गतेदेखि प्रतिकित्ता एक हजार रुपैयाँ अंकित दरको ३८ करोड रुपैयाँ रुपैयाँ बराबरको ३ लाख ८० हजार कित्ता ऋणपत्र सर्वसाधारणमा बिक्रीमा ल्याएको थियो । जसको बिक्री छिटोमा मंसिर ४ गते मंगलबार बन्द हुने समयावधि तोकिएको थियो ।
ऋणपत्रमा न्यूनतम २५ कित्ता अर्थात २५ हजार रुपैयाँदेखि अधिकतम ३ लाख ८० हजार कित्ता अर्थात ३८ करोड रुपैयाँसम्म आवेदन दिन पाउने व्यवस्था रहेको छ । दश वर्ष अवधिको ‘१० प्रतिशत सानिमा डिबेन्चर–२०८५’ मा यो वार्षिक १० प्रतिशत ब्याजदर अर्धवार्षिक रुपमा भुक्तानी गरिने जनाइएको छ ।
सानिमा बैंकले कूल २ अर्ब रुपैयाँको एक हजार रुपैयाँ अंकित दरका २० लाख कित्ता ऋणपत्र बिक्रीमा ल्याएको हो। जसमध्ये ३ लाख ८० हजार कित्तामा सर्वसाधारणलाई, २० हजार कित्ता सामूहिक लगानी कोषलाई र १६ लाख कित्ता व्यक्तिगत तरवबाट बिक्री गरिनेछ ।
इक्रा नेपालले सानिमाको यो ऋणपत्रलाई न्यून कर्जा जोखिम जनाउने ‘इक्राएनपी एल ए माइनस’ रेटिङ्ग प्रदान गरेको छ ।
सोमबारसम्ममा न्यून आवेदन नपरेपछि बैंकको ऋणपत्रको समयावधि सबै बिक्री नभएसम्मका लागि लम्बिएको छ । अब ढिलोमा पुस १ गतेसम्म आवेदन दिन पाइनेछ । निष्काशन भएको ऋणपत्र पुस १ गतेभन्दा अगाडि नै बिक्री भएमा भएमा भने सार्वजनिक सूचना जारी गरेर बिक्री बन्द गरिने काठमाडौं क्यापिटलका मर्चेन्ट बैंकिङ्ग प्रमुख सुभाष बस्नेतकाे भनार्इ छ ।
