लघुवित्तले सर्वसाधारणमा २ लाख ७३ हजार कित्ता शेयर निष्काशन गरेकोमा एक करोड १६ लाख २६ हजार ४५० कित्ता शेयरका लागि आवेदन परेको हो ।
कम्पनीको शेयर निष्काशन तथा बिक्री प्रबन्धक नेपाल एसबिआई मर्चेण्ट बैंकिङ्गको अनुसार मंसिर ४ गते ५ बजे सम्ममा एक लाख ७९ हजार १२१ वटा आवेदन परेको हो ।
तीन दिनको प्रारम्भिक आँकडामा हिसाब गर्ने हो भने एक लाख ५१ हजार ८११ आवेदक रित्तो हात हुने देखिन्छ । २७ हजार ३१० जना सर्वसाधारण आवेदकले मात्र गोलाप्रथाबाट १० कित्ताका दरले शेयर पाउनेछन् ।
लघुवित्तले कुल ३ लाख कित्ता आईपिओ निष्काशन गरिरहेको छ । जसमा संस्थाका कर्मचारीलाई १२ हजार कित्ता तथा सामुहिक लगानी कोषलाई १५ हजार कित्ता शेयर छुट्याउँदा बाँकी रहने २ लाख ७३ हजार कित्ता शेयर सर्वसाधारण लगानीकर्तामा बाँडफाँड हुनेछ ।
लघुवित्तको आईपिओ बढी आबेदन परेकोले भोलि मंसिर ५ गते बुधबार नै बन्द हुनेछ ।
