बजार पूँजीकरण घट्ने पाँच प्रमुख कम्पनीहरुमा फेसबुक, अमेजन, एपल, नेटफ्लिक्स र अल्फाबेट शामिल छन् । सबैभन्दा बढी बजार पूँजीकरण अमेजनको घटेको छ ।
अमेरिकी ईकमर्श कम्पनी अमेजनको बजार पूँजीकरण सबैभन्दा धेरै करिब २८० अर्ब डलरले घटेको छ । ३ अक्टोबरदेखि २० नोभेम्बरसम्म यो नोक्सान भएको हो ।
त्यस्तै फेसबुकको बजार पूँजीकरण २५३ अर्ब डलर, एपलको २५३ अर्ब डलर, अल्फाबेटको १६४ अर्ब डलर, नेटफ्लिक्सकाृ ६७ अर्ब डलरले बजार पूजीँकरण घटेको हो ।
अमेजनको शेयरमा २५ अक्टोबरदेखि गिरावट तीव्र भएको हो । कम्पनीले त्यस दिन त्रैमासिक नतिजा सार्वजनिक गरेको थियो । त्यस्तै कम्पनीले आगामी त्रैमासका लागि कमजोर आउटलुक जारी गर्याे । जसका कारण उसको शेयर मूल्यमा तीव्र गिरावट देखियो ।
एपलको शेयरमा गिरावटको कारण आईफोनको माग घट्नु रहेको छ । फेसबुक लगातार विवादमा रहेका कारण उसको शेयरमा गिरावट आएको हो । एजेन्सी