गत आर्थिक वर्षको पहिलो त्रैमासमा होटलले ३७ लाख ८० हजार रुपैयाँ मात्रै खुद नाफा कमाएको थियो। गत वर्ष होटलले हिमालयन विंग भवनमा रहेका १७७ कोठाको स्तरोन्नेती तथा भित्री सजावटका लागि होटल बन्द गरेका कारण खुद नाफामा गिरावट आएको थियो ।
समिक्षा अवधिमा होटलको विंग भवनको पहिलो तल्ला बाहेक सबै कोठाहरु स्तरोन्नती गरी संचालनमा आएपछि नाफामा सुधार भएको हो । बाँकी पहिलो तल्लाका कोठाहरु समेत कार्तिक महिनाको तेस्रो साताबाट संचालनमा आएको होटलले जनाएको छ ।
आगामी दिनमा होटलले व्यावसायिक रणनीतिक संयन्त्रहरुको समुचित सदुपयोग गर्दै आम्दानीमा बृद्धि गर्ने लक्ष्य लिएको छ ।
होटलले यस अवधि सम्ममा व्यापार व्यवसाय तथा सेवाको बिक्री मार्फत ३६ करोड ७८ लाख रुपैयाँ आम्दानी गरेको छ । गत वर्षको यसै अवधिमा २६ करोड १२ लाख रुपैयाँ आम्दानी गरको थियो । यस्तै ७ करोड ३८ लाख रुपैयाँ होटल संचालनबाट नाफा कमाएको छ ।
होटलको शेयर पुँजी ६६ करोड ६० लाख रुपैयाँ छ भने जगेडा कोषमा कोषमा ८३ करोड रुपैयाँ सञ्चित छ । होटलको प्रतिशेयर आम्दानी ८७ पैसा, प्रतिशेयर नेटवर्थ २२ रुपैयाँ ४६ पैसा छ ।
