मर्चेट बैंकिङ्गहरुको व्यवस्थापनमा सञ्चालन हुने ६ फण्डहरुमा ग्लोबल आईएमई ब्यालेन्स फण्ड–१, सिटिजनस् म्युचुअल फण्ड–२, एनआइसि एशिया ब्यालेन्स फण्ड, एनएमबि–५०, नविल ब्यालेन्स फण्ड–२ र एनआइबिएल सहभागिता फण्ड रहेका छन् ।
सबै भन्दा बढी एनआइसि एसिया ब्यालेन्स फण्डले एक अर्ब २५ करोड रुपैयाँ आकारको फण्ड जारी गर्ने माग गरेको छ । फण्डले प्रति इकाई १० रुपैयाँका दरले १२ करोड ५० लाख इकाई जारी गर्न लागेको हो ।
यता ग्लोबल आइएमई ब्यालेन्स, एनएमबि –५० र नविल ब्यालेन्स फण्ड एक अर्ब २० करोड रुपैयाँको आकारमा सञ्चालन हुने भएका हुन् ।
साथै सटिजनस् म्युचुअल फण्ड–२ एक अर्ब रुपैयाँ र एनआइबिएल सहभागिता फण्डको आकार ५० करोड रुपैयाँ रहेको छ ।
असोज महिनामा म्युचुअल फण्डहरुको एनएभी
नेपाल स्टक नेपाल स्टक एक्सचेञ्जमा सूचीकृत भएका १३ वटै म्युचुअल फण्डले असोज महिनाको वित्तीय विवरण सार्वजनीक गरेका छन् ।
जस मध्ये दुई फण्डले मात्र भदौ महिनाको तुलनामा प्रति इकाई खुद सम्पत्ति मूल्य (एनएभी) बढाएका छन् । दुई फण्डले भदौ महिनाको एनएभिमा तलमाथि भएको छैन भने ९ वटाको एनएभी घटेको छ ।
म्युचुअल फण्डमा शेयर बजारको घटबढले प्रत्यक्ष प्रभाब पारेको हुन्छ । जसरी असोज महिनामा शेयर बजार बढनु भन्दा धेरै घट्ने क्रममा भएको कारण फण्डहरुको एनएभी अपेक्षा अनुसार वृद्धि हुन सकेन ।
असोज महिनामा अधिकांस फण्डहरुले असोज महिनाको वित्तिय विवरणमा फण्डको एनएभी अधार मूल्य भन्दा घटेको विवरण सार्वजनीक गरेका छन् ।
असोज महिनामा एनएभी बढाउने फण्डहरुमा सिटिजनस् म्युचुअल फण्ड–१ र सिद्धार्थ इक्वीटी फण्ड रहेका छन ।
असोजमा सिटिजनस् म्युचुअ फण्ड – १ को एनएभी बढेको छ । असोज मसान्तमा फण्डको एनएभी १० रुपैयाँ ५२ पैसा कायम छ । भदौको तुलनामा फण्डको एनएभी १२ पैसाले बढेको हो । भदौमा फण्डको एनएभी १० रुपैयाँ ४० पैसा थियो ।
सिद्धार्थ इक्वीटीको असोज मसान्तमा एनएभी १० रुपैयाँ ४७ पैसा र्निधारण भएको छ । फण्डले गत महिनाको तुलनामा ४ पैसाले एनएभी बढेको छ । भदौमा फण्डको एनएभी १० रुपैयाँ ४३ पैसा थियो ।
त्यसैगरी असोजमा एनएमबि सुलब इन्भेष्टमेन्ट फण्ड–१ को एनएभी सबै भन्दा धेरै घटेको छ । असोजमा फण्डको एनएभी ११ रुपैयाँ ३० पैसामा कायम भएको छ । भदौ महिनाको तुलनामा फण्डको एनएभी दुई रुपैयाँ २४ पैसाले घटेको हो ।
यद्यपि फण्डको एनएभी अझसम्म सबै भन्दा धेरै रहेको छ । भदौमा फण्डको एनएभी १३ रुपैयाँ ५४ पैसा थियो ।
सिद्धार्थ इक्युटी ओरियन्टड स्कीम र सानिमा इक्युटी फण्डको एनएभी भदौको तुलनामा तलमाथि भएन् । असोज महिनामा सिद्धार्थको १० रुपैयाँ ५४ पैसा छ भने सानिमाको १० रुपैयाँ ३८ पैसा छ ।
भदौ महिनाको तुलनमा असोज महिनाको एनएभी ग्लोबल आइएमई मसुन्नत योजना–१को २३ पैसा, लक्ष्मी इक्वीटी फण्डको ७ पैसा, लक्ष्मी भ्यालु फण्ड–१को ६ पैसा, नविल इक्वीटी फण्डको १२ पैसा, एनआईसी एसिया ग्रोथ फण्डको ४ पैसा, एनएमबि हाईब्रिड फण्ड एल–१ को एक पैसा, एनआईबिएल समृद्धि फण्ड–१ को १४ पैसा र एनआईबिएल प्रगति फण्डको १९ पैसाले घटेको हो ।
