गरिमा विकास बैंक लिमिटेडले आफ्नो स्थापनाको ११ औं बर्ष पूरा गरी १२ औं बर्षमा प्रवेश गरेको अवसरमा मंसीर ७ गते शुक्रबार ८ स्थानमा रक्तदान कार्यक्रम सम्पन्न गरेको हो ।
विकास बैंकले विकास बैंकले केन्द्रीय कार्यालय, लाजिम्पाट काठमाण्डौं, शाखा कार्यालयहरु महेन्द्रपुल पोखरा, ,बुटवल रुपन्देही, बेनी म्याग्दी, नारायणगढ चितवन, विराटनगर मोरङ, इटहरी सुनसरी र घोराही दाङमा रक्तदान कार्यक्रम सम्पन्न गरेको जनाएको छ ।
यसै सिलसिलामा विकास वैंकको उद्गमस्थल स्याङ्गजाको वालिङ्ग शाखा कार्यालयमा सरसफाई कार्यक्रम गरेको छ । विकास बैंकले आफ्नो बार्षिकोत्सवको अवसरमा प्रत्येक बर्ष विभिन्न सामाजिक उत्तरदायित्वमुलक कार्यक्रमहरु सम्पन्न गर्दै आईरहेको छ ।
शुक्रबार नै नेपाल राट्र बैंक पोखरा शाखाका निर्देशक पोमनाथ गौतमले कास्की जिल्ला पोखरा महानगरपालिका अन्र्तगत बुद्घचोक शाखा कार्यालयको उद्घाटन गरेका छन् ।
२४ अर्ब ५० करोड निक्षेप संकलन, २२ अर्ब कर्जा लगानी
राष्ट्रियस्तरको विकास बैंक गरिमाले मंसीर ७ गतेसम्म विकास बैंकले २४ अर्ब ५० करोड निक्षेप संकलन गरी २२ अर्ब कर्जा लगानी गरेको जनाएको छ ।
बैंकको काठमाण्डौंको लाजिम्पाटमा केन्दीय कार्यालय छ भने काठमाण्डौंमा ८ वटा शाखा सहित देशभर ६६ शाखा र १५ वटा एटीएम संचालनमा छन् ।
बैंकले छिट्टै नै पर्साको वीरगज, चितवनको टाँडी र मिलनचोक, दाङ्गको तुल्सीपुर, बाँकेको कोहलपुर, कञ्चनपुरको महेन्द्रनगर, कास्कीको हेम्जा, नुवाकोटको बट्टार र लमजुङ्गको बेसीशहरमा शाखा विस्तार गर्ने तयारी गरेको छ ।
