त्यसैगरि बैंक र अन्य उपयुक्त कुनैपनि बैंक तथा वित्तीय संस्था एक आपसमा गाभ्ने वा गाभिन संस्था पहिचान गर्ने, सहमतिपत्रमा हस्ताक्षर गर्ने, सम्पत्ति तथा दायित्व मूल्याङ्कन गर्न परामर्शदाता,मूल्याङ्कनकर्ता र लेखापरिक्षक नियुक्ति गरि पारिश्रमिक तोक्ने र मर्जर प्राप्तीका अन्य आवश्यक सम्पूर्ण कार्य गर्न सञ्चालक समितिलाई अख्तियारी दिने प्रस्ताव गरेको छ ।
मुक्तिनाथले गत आर्थिक वर्षको कमाईबाट चुक्ता पूँजी २ अर्ब ५९ करोड १७ लाख ६३ हजार ३१७ रुपैयाँको १८.२५ प्रतिशत बोनस अर्थात ४७ करोड २९ लाख ९६ हजार ८०६ रुपैयाँ वितरण गर्ने प्रस्ताव पारित गर्नेछ । कर प्रयोजनको लागि शून्य दशमलव ९६ प्रतिशत नगद लाभांश पनि रहेको छ ।
बैंकले बोनस शेयर पश्चात कायम हुने ३ अर्ब ६ करोड ४७ लाख ६० हजार १२३ रुपैयाँ चुक्ता पूँंजीबाट २० प्रतिशत हकप्रद बिक्री गर्न प्रस्ताव पारित गर्न लागेको हो । प्रस्ताव पारित भएपश्चात हकप्रद बिक्री प्रकृया अगाडि बढ्नेछ। यसअघि बैंकले ४० प्रतिशत हकप्रद बिक्री गरेको थियो ।
बैंकको प्रबन्धपत्र तथा नियमावलीमा आवश्यक संसाेधन गरि अधिकृत पूँजी ४ अर्ब पुर्याउने प्रस्ताव पनि रहेको छ ।
बैंकले मङ्सिर २९ गते सिटी स्क्वायर, पोखरामा कास्कीमा १२ औं बार्षिक साधारण सभा आह्वान गरेको छ ।
साधारण सभा र लाभांश प्रयोजनका लागि बैंकले मङ्सिर १८ देखि २५ सम्मका लागि बुक क्लोजको मिति निर्धारण गरेको छ । यसअनुसार मंसिर १७ सम्म कायम शेयरधनीहरुले मात्र लाभांश र साधारणसभामा सहभागी हुन पाउनेछन् ।