विद्युत विक्री मार्फतको आम्दानी बढेकाले र सञ्चालन खर्च तथा प्रशासनिक खर्चमा सुधार गरेकाले हाइड्रोको खुद नाफामा बढोत्तरी देखिएको हो ।
हाइड्रोले विद्युत बेचेर २ करोड ३ लाख ८९ हजार रुपैयाँ आम्दानी गरेको छ । यो गत वर्षको तुलनामा एक लाख ९८ हजार रुपैयाँले बढी हो । गत वर्षको यसै अवधिमा हाइड्रोले विद्युत बेचेर २ करोड एक लाख ९१ हजार रुपैयाँ आम्दानी गरेको थियो ।
चुक्ता पूँजी २७ करोड रहेको हाइड्रोको जगेडा कोषमा एक करोड ५९ लाख रुपैयाँ सञ्चित छ ।
हाइड्रोको प्रतिशेयर आम्दानी १३ रुपैयाँ ३३ पैसा छ । गत बर्ष हाइड्रोको प्रतिशेयर आम्दानी १० रुपैयाँ ६३ पैसा थियो । प्रतिशेयर नेटवर्थ १०५ रुपैयाँ ९२ पैसा र मूल्य आम्दानी अनुपात ३४.५१ गुणा छ ।
