एनआईसी एशियाको बैंक सञ्चालक समितिको कार्तिक ३० गते बसेको ३७७ औं सञ्चालक समितिको बैठकले आर्थिक वर्ष २०७४/७५ को लागि प्रति शेयर १० ( १० प्रतिशत) शेयर लाभांश तथा उक्त शेयर लाभांशमा लाग्ने कर प्रयोजनको लागि प्रति शेयर ०.५२६ (०.५२६ प्रतिशत) नगद लाभांश दिने निर्णय गरेको हो ।
बैंकले चुक्ता पूँजी ८ अर्ब ३ करोड रुपैयाँको १० प्रतिशत अर्थात ८० करोड ३१ लाख रुपैयाँ बराबरको बोनस शेयर वितरण गर्ने प्रस्ताव गरेको छ । बोनस पश्चात बैंकको चुक्ता पूँजी ८ अर्ब ८३ करोड रुपैयाँ पुग्ने भएको छ।
साधारणसभाले गत आर्थिक वर्ष २०७४/७५ को वित्तीय विवरण पारित गर्नेछ। चालु आर्थिक वर्षको लागि पनि पुरानै लेखापरिक्षक टिआर उपाध्याय एण्ड कम्पनीलाई नै निरन्तरता दिइने भएको छ।
बैंकले साधारणसभा प्रयोजनको लागि मंसिर १९ गतेदेखि पुष ४ गतेसम्म बुक क्लोज गर्ने भएको छ। जन अनुसार मंसिर १८ गतेसम्म कायम शेयरधनीले प्रस्तावित १० प्रतिशत बोनस शेयर पाउने छन्।
त्यसैगरी बैंकले आफु र आफ्ना सहायक कम्पनीहरु एनआईसी एशिया क्यापिटल र एनआईसी एशिया लघुवित्त समेतको एकीकृत वित्तीय विवरण समेत पारित गर्ने एजेन्डा तय गरेको छ ।