जस मध्ये मुक्तिनाथ विकास बैंकले बिगतमा झै अन्य विकास बैंकहरुलाई पछि पर्दै अग्रता लिएको छ । यस त्रैमासमा बैंकको प्रतिशेयर आम्दानी ३० रुपैयाँ ९२ पैसा छ । बैंकले पूँजी वृद्धि सँगै खुद नाफामा बढोत्तरी गर्दा बैंकको प्रतिशेयर आम्दानी बढेको देखिन्छ ।
समीक्षा अवधिमा शाईन रेसुङ्गाको प्रतिशेयर आम्दानी २३ रुपैयाँ ८४ छ भने एक्सेल र मितेरी विकास बैंकको प्रतिशेयर आम्दानी २० रुपैयाँ माथि रहेको छ ।
यद्यपि मितेरी विकास बैंकको प्रतिशेयर आम्दानी गत वर्षको यसै अवधिको तुलनामा ४ रुपैयाँले घटेको छ । गत वर्षको प्रथम त्रैमासमा मितेरीको प्रतिशेयर आम्दानी २४ रुपैयाँ माथि थियो ।
चालु आवको प्रथम त्रैमासमा साहारा विकास बैंकको प्रतिशेयर आम्दानी सबै भन्दा कमजोर देखिएको छ । बैंकको प्रतिशेयर आम्दानी ८० पैसाले ऋणात्मक रहेको छ । तर बैंकले आफ्नो वित्तीय बिवरणमा भने प्रतिशेयर आम्दानी २० पैसा देखाएको छ ।
त्यसैगरी ३० विकास बैंक मध्ये ९ वटा बैंकहरुको प्रतिशेयर आम्दनी १५ रुपैयाँ र १० रुपैयाँको अन्तरमा छ भने १७ वटा बैंकको प्रतिशेयर आम्दानी १० रुपैयाँ भन्दा थोरै छ ।
ग्रोथको आधारमा कावेली विकास बैंकको प्रतिशेयर आम्दानी ७ रुपैयाँ ४४ पैसा अर्थात ४६५ प्रतिशले बढेको छ ।
यता सांग्रिला विकास बैंकको प्रतिशेयर आम्दानी सबै भन्दा धेरै ७४.८३ प्रतिशत अर्थात ९ रुपैयाँ ४ पैसाले घटेको छ । हाल बैंकको प्रतिशेयर आम्दानी तीन रुपैयाँ ४ पैसामा मात्र सिमित भएको छ ।