मन्त्रिपरिषद्ले गरेको निर्णय सार्वजनिक गर्न बिहीबार सञ्चार तथा सूचना प्रविधि मन्त्रालयमा आयोजित पत्रकार सम्मेलनमा सरकारका प्रवक्ता एवं सञ्चार तथा सूचना प्रविधिमन्त्री गोकुल बास्कोटाले सरकारले शेयर बजार पारदर्शी,प्रविधिमैत्री र सुरक्षीत बनाउन चाहेको बताए ।
अनलाईन नचलेर आम लगानीकर्ता मर्कामा परेकोबारे मेरोलगानीको प्रश्नमा मन्त्री बास्कोटाले भने ''शेयर बजारबारे मैले धेरै त बुझ्दिन तर सरकारले चाहेको छ की आम लगानकर्ता र ब्रोकरले सहज ढङ्गबाट अनलार्इन मार्फत कारोबार गरून्।''
शेयर बजार र अनलाईन प्रणाली प्राविधिक विषय भएको भन्दै मन्त्री बास्कोटाले अर्थमन्त्रालयका प्रतिनिधिलाई प्रश्नबारे स्पष्ट पार्न आग्रह गरेका थिए ।
मन्त्रीको आग्रहपछि अर्थमन्त्रालयका प्रतिनिधि (प्रवक्ता नताेकिएकाे) ले अनलाईनमा देखिएको समस्याबारे मन्त्रालयको ध्यानाकर्षण भएको बताए। समस्या समाधानका लागि काम भइरहेको र अनलाईन प्रणाली छिट्टै सहज हुने उनले जानकारी दिए ।
गत कार्तिक २० गते ताम-झामसाथ अर्थमन्त्रीले अनलाईन शेयर काराेबारकाे उद्घाटन गरेका थिए । सुरूवाती दिनमा शेयर दलाल व्यवसायिकाे लागि र मंसिरदेखि आम लगानीकर्ताका लागि सुचारू हुने भनिएकाे अनलाईन काराेबार हालसम्म पनि प्रभावकारी बन्न सकेकाे छैन ।
प्रभावकारी रूपमा अनलाईन नचलेपछि लगानीकर्ताहरू निरन्तर खबरदारी अभियानमा लागेका छन् । मंसिर १२ गते साेमबार अनलाईन काराेबार व्यवस्थित बनाउन माग गर्दै नेप्से घेर्न पुगेका लगानीकर्तालाई प्रहरीले लाठी प्रहार गरेकाे थियाे ।