शुक्रबार शेयर लगानीकर्ता दबाब समूहका सदस्यहरुले सभापति दाहाललाई भेटी पूँजी बजारका समस्या बारे जानकारी गराएका थिए ।
लगानीकर्तासँगको भेटमा दाहालले धितोपत्र बोर्ड लगायत नियमनकारी निकाय, लगानीकर्ता र अर्थमन्त्रालयका अधिकारीलाई समेत संसदको अर्थ समितिमा छलफलका लागि बोलाउने प्रतिबद्धता जनाएका हुन् ।
पूँजी बजारमा गम्भिर समस्या देखिएको बारेमा सरकार र नियमनकारी निकायसँग सामुहिक छलफल गर्नु अघि सभापति दाहालले धितोपत्र बोर्डका अधिकारीहरुलाई आईतबार सिंहदरबार बोलाउने दबाब समूहका टोलीलाई बताएको एक सहभागीले मेरो लगानीलाई जानकारी दिए ।
सभापति दाहालले पूँजी बजार सुधार तथा बिस्तारका कामहरु नहुँदा साना तथा मध्यमस्तरका लगानीकर्ता ठूलो जोखिममा रहेको भन्दै त्यसबारेमा अर्थमन्त्री डा. युवराज खतिवडासँग पनि छलफल गर्ने भएका छन् ।
सभापति दाहालले भने – 'सरोकारवाला सबैसँग अलग अलग छलफल गर्छु र त्यसपछि सामुहिक छलफल आयोजना गरेर पूँजी बजारमा देखिएका समस्या समाधानको पहल गर्छु ।'