दुवै कम्पनीले लाभांश सम्बन्धिको निर्णय नेप्सेमा ढिलो गरी बुझाएकाले शेयर कारोबारमा रोक लगाइएको नेप्सेका प्रवक्ता मुराहरि पराजुलिले जानकारी दिए । नेप्सेलाई ढिलो सूचित गर्नु शंकास्पद भएको र बिस्तृत अनुसन्धानको लागि भन्दै कारोबार रोकिएको नेप्सेको भनाई छ ।
गत मंसिर १२ गते नाडेप लघुवित्तको संचालक समितिको बैठक बसेको थियो । उक्त बैठकले हाल कायम चुक्ता पूँजीको ३० प्रतिशतले हुन आउने ४ करोड ८० लाख रुपैयाँ बोनस शेयर वितरण गर्ने निर्णय गरेको थियो । तर बैंठकले लाभाशं सम्बन्धि निर्णय गरेको दुई दिन पश्चात मात्र कम्पनीले उक्त सूचना नेप्से मार्फत सार्वजनीक गरेको थियो ।
त्यसैगरी, नेपाल ल्यूब आयलको मंसिर १३ गते बसेको संचालक समितिको बैंठकले ३० प्रतिशत नगद र १० प्रतिशत बोनस शेयर वितरण गर्ने निर्णय गरेको थियो । उक्त निर्णय नेप्सेले मंसिर १६ गते बजार बन्द भएपछि मात्र सार्वजनिक गरेको थियो ।