दुबै कम्पनीले वार्षिक साधारण सभा प्रयोजनको लागि मंसिर १९ गते बुधबार शेयरधनी दर्ता पुस्तिका बन्द गर्ने भएकाले मंगलबारसम्म कायम रहने शेयरधनीले मात्र साधारण सभामा सहभागिता जनाउन पाउने भएका हुन् ।
लक्ष्मी लघुवित्त (LLBS) ले गत वर्षको मुनाफाबाट प्रस्ताव गरेको २६.३२ प्रतिशत नगद लाभांश सुरक्षित गर्ने आज अन्तिम रहेको छ । लघुवित्तले चुक्ता पूँजीको २६.३२ प्रतिशतले हुन आउने ६ करोड ३६ लाख ८४ हजार २११ रुपैयाँ नगद लाभांश वितरण गर्दैछ ।
लाभांश पारित गर्न लघुवित्तले पुस १ गते आईतबार अग्रवाल भवन कमलपोखरीमा बिहानको ११ बजे सातौं वार्षिक साधारण सभा आह्वान गरेको छ । सोमबार लघुवित्तको प्रतिकित्ता शेयरमूल्य ६९२ रुपैयाँमा कारोबार भएको छ ।
त्यसैगरी अरुण भ्याली हाईड्रोपावर डेभलपमेन्ट कम्पनी (AHPC) ले मंसिर २८ गते शुक्रबार बिहानको ११ बजे इन्द्रेणी फूडल्याण्ड नयाँ बानेश्वरमा २१ औं वार्षिक साधारण सभा आह्वान डाकेको छ ।
हाइड्रोको सधारण सभामा एफपिओलाई स्थगित गरेर चुक्ता पूँजीको एक बराबर एक अनुपातमा (शतप्रतिशत) हकप्रद जारी गर्ने प्रस्ताव गरिएको छ । हाइड्रोपावरको हाल चुक्ता पूँजी ९३ करोड ३० लाख रुपैयाँ रहेको छ । उक्त हकप्रदको प्रस्ताव कम्पनीको एक्काईसौ साधारण सभाले पारित गरेपछि हकप्रद निष्काशनको प्रकृया अगाडि बढ्नेछ ।
त्यस्तै हाइड्रोपावर अधिकृत तथा जारी पूँजी कम्पनीको हाल एक अर्ब पचास करोड रुपैयाँ रहेकोमा त्यसलाई वृद्धि गरि दुई अर्ब ५० करोड रुपैयाँ पुर्याउने लगायतका प्रस्ताव साधारण सभामा रहेको छ ।