बैंकको ऋणपत्र बिक्री प्रबन्धक काठमाडौं क्यापिटल मार्केटका मर्चेन्ट बैंकिङ्ग प्रमुख सुभाष बस्नेतका अनुसार सोमबार सम्ममा २ हजार ३०६ जना आवेदकबाट एक लाख ११ हजार ९६२ कित्ताका लागि ११ करोड १९ लाख ६२ हजार रुपैयाँको आवेदन परेको छ ।
सर्वसाधारण लगानीकर्ताका लागि छुट्टाइएको ऋणपत्रमध्ये अझै २६ करोड ८० लाख ३८ हजार रुपैयाँ बराबरको २ लाख ६८ हजार ३८ कित्ता बिक्री हुन बाँकी छ ।
बैंकले कात्तिक ३० गतेदेखि प्रतिकित्ता एक हजार रुपैयाँ अंकित दरको ३८ करोड रुपैयाँ रुपैयाँ बराबरको ऋणपत्रमा न्यूनतम २५ कित्ता अर्थात २५ हजार रुपैयाँदेखि अधिकतम ३ लाख ८० हजार कित्ता अर्थात ३८ करोड रुपैयाँसम्म आवेदन दिन पाउने व्यवस्था छ । दश वर्ष अवधिको ‘१० प्रतिशत सानिमा डिबेन्चर–२०८५’ मा यो वार्षिक १० प्रतिशत ब्याजदर अर्धवार्षिक रुपमा भुक्तानी गरिने जनाइएको छ ।
सानिमा बैंकले कूल २ अर्ब रुपैयाँको एक हजार रुपैयाँ अंकित दरका २० लाख कित्ता ऋणपत्र बिक्रीमा ल्याएको हो । जसमध्ये ३ लाख ८० हजार कित्तामा सर्वसाधारणलाई, २० हजार कित्ता सामूहिक लगानी कोषलाई र १६ लाख कित्ता व्यक्तिगत तरवबाट बिक्री गरिनेछ ।
इक्रा नेपालले सानिमाको यो ऋणपत्रलाई न्यून कर्जा जोखिम जनाउने ‘इक्राएनपी एल ए माइनस’ रेटिङ्ग प्रदान गरेको छ ।
अझै सबै ऋणपत्र बिक्री भैनसकेको हुनाले अब ढिलोमा पुस १ गतेसम्म आवेदन दिन सकिनेछ । ऋणपत्र पुस १ गतेभन्दा अगाडि नै बिक्री भएमा भने सार्वजनिक सूचना जारी गरेर बिक्री बन्द गरिने काठमाडौं क्यापिटलले जनाएको छ ।