नेप्सेले मुक्तिनाथको बोनसपछि प्रतिकित्ता शेयरमूल्य ३४५ रुपैयाँ ३ पैसा निर्धारण गरेको छ । बैंकको नेप्सेमा १८० कारोबार भएको शेयरमूल्यका आधारमा औसत आधार मूल्य भने ४९८ रुपैयाँ ५२ पैसा कायम भएको छ ।
मुक्तिनाथले लाभांश पारित गर्न मंसिर २९ गते सिटी स्क्वायर, पोखरामा कास्कीमा १२ औं बार्षिक साधारण सभा आह्वान गरेको छ । सभाले १८.२५ प्रतिशत बोनस शेयर र कर प्रयोजनका लागि ०.९६ प्रतिशत नगद लाभांश वितरण गर्ने प्रस्ताव पारित गर्नेछ ।मंसिर १७ सम्म कायम शेयरधनीहरुले मात्र लाभांश र साधारणसभामा सहभागी हुन पाउनेछन् ।
सभामा बोनसपछि कायम हुने ३ अर्ब ६ करोड ४७ लाख ६० हजार १२३ रुपैयाँ चुक्ता पूँजीको २० प्रतिशत हकप्रद जारी गर्ने प्रस्ताव पनि पेश हुँदैछ । हकप्रद पश्चात बैंककाे ३ अर्ब ६७ करोड ७७ लाख रुपैयाँ चुक्ता पूँजी पुग्नेछ ।
त्यसैगरि बैंक र अन्य उपयुक्त कुनैपनि बैंक तथा वित्तीय संस्था एक आपसमा गाभ्ने वा गाभिन संस्था पहिचान गर्ने, सहमतिपत्रमा हस्ताक्षर गर्ने, सम्पत्ति तथा दायित्व मूल्याङ्कन गर्न परामर्शदाता,मूल्याङ्कनकर्ता र लेखापरिक्षक नियुक्ति गरि पारिश्रमिक तोक्ने र मर्जर प्राप्तीका अन्य आवश्यक सम्पूर्ण कार्य गर्न सञ्चालक समितिलाई अख्तियारी दिने प्रस्ताव गरेको छ ।
मुक्तिनाथले चालु आर्थिक वर्षको पहिलो त्रैमासमा २० करोड ३ लाख ७८ हजार रुपैयाँ खुद नाफा कमाएको छ । बैंकको प्रतिशेयर आम्दानी ३० रुपैयाँ ९३ पैसा छ ।
पूँजी वृद्धिमा मुक्तिनाथ विकास बैंकको जोड, बोनसपछि फेरि हकप्रद ल्याउने
