दैनिक रुपमा शेयर बजारमा आएको गिरावट र बैंकहरुबीच निक्षेप तान्ने होडबाजीमा ब्याजदर वृद्धिको प्रतिस्पर्धा चलेपछि अर्थमन्त्री डा. युवराज खतिवडाले यस बिषयमा अध्ययनका लागि कार्यदल गठन गरेका हुन् ।
कार्यदलमा धितोपत्र बोर्डका अध्यक्ष, बैंकर्स संघका अध्यक्ष, लगानीकर्ताका प्रतिनिधि, अर्थमन्त्रालय अन्तर्गतकाे वित्तीय क्षेत्र व्यवस्थापन तथा संस्थान समन्वय महाशाखाका सह-सचिव उत्तर कुमार खत्री लगायत रहेको अर्थमन्त्रालयले जनाएको छ ।
पूँजी बजार, समग्र वित्तीय क्षेत्रमा देखा परेको तरलता तथा ब्याजदर लगायतका समस्याहरु र तिनका समाधानका लागि एक साताभित्र प्रतिवेदन पेश गर्नेगरी कार्यदल गठन गरिएको राजश्व सचिव शिशिर ढुङ्गानाले मेरो लगानीलाई जानकारी दिए ।
कार्यदलको सुझाबको आधारमा अर्थमन्त्रालयले विद्यमान समस्या सुल्झाउन आवश्यक पहल गर्ने बताएको छ ।