उपरीक्षक भण्डारीको संलग्नतामा संखुवासभाको चैनपुरबाट धरान इटहरीतर्फ सरकारी गाडीमा सालको काठ तस्करी भएको अख्तियारले जनाएको छ ।
आहाले सिस्ने सल्लेरी सामुदायिक वन उपभोक्ता समितिले गुल्म परिसर भित्र भौतिक संरचना निर्माण गर्नका लागि ५० क्युफिट सखुवा काठ उपलब्ध गराउने भने तापनि उपरीक्षक भण्डारीले गुल्म परिसर भित्र नयाँ भौतिक संरचना तथा फर्निचरहरू निर्माण नगरी ९२.९८ क्युफिट सालको चिरान काठ तस्करी गरेको अख्तियारको आरोप छ ।
सरकारी सम्पत्तिको वदनियतसाथ हिनामिना गरी भ्रष्टाचार गरेको आरोपमा भ्रष्टाचार निवारण ऐन, २०५९ को दफा १७ बमोजिमको कसुरमा बिगो एक लाख चार हजार एकसय छत्तीस कायम गरी दफा १७ तथा दफा ३ को उपदफा ९१० र दफा ३ को उपदफा ९१० को घ बमोजिम सजाय तथा सोही ऐनको दफा १७ बमोजिम बिगो असुलउपर मागदाबीसहित विशेष अदालतमा आरोपपत्र दायर गरिएको अख्तियारका प्रवक्ता रामेश्वर दंगालले जानकारी दिए ।