नेप्सेले अनलाइन कारोबार प्रणालीमा कुनै समस्या नरहेको दाबी गरेपनि आइतबार बजार खुल्नासाथ कारोबार हुन सकेन । नेप्सेको डिस्प्लेमा आधा घण्टासम्म शेयर किनबेचको कुनै विवरण देखिएन् ।
तर यता नेप्सेले भने बजार खुल्नासाथ कारोबार सुचारु भएको दाबी गरको छ । नेप्सेका एक अधिकारीले सुरुमा नेप्सेको वेवसाइटको डिस्प्लेमा समस्या देखिएपनि कारोबार बजार खुल्नासाथ आरम्भ भएको बताए ।
तर बजार खुलेको आधाघण्टाको अवधिमा जम्माजम्मी ७ वटा मात्र कारोबार भएको नेप्सेको वेवसाइटमा देखिएको छ ।