धिताेपत्रकाे दाेस्राे बजारमा बैंककाे शेयर साेमबार प्रतिकित्ता ५३४ रूपैयाँमा काराेबार भएकाे छ ।
बैंकले आगामी पुस १० गते बैंकको साधारण सभा आह्वान गरेको छ । लैनचौर बैंक्वेटमा बिहान ११ बजे बैंकको २४ औं वार्षिक वार्षिक साधारण सभा आह्वान गरेको हो ।
साधारण सभा मार्फत गत आर्थिक वर्षको नाफाबाट प्रस्ताव गरेको २० प्रतिशत नगद लाभांश अनुमोदन हुनेछ ।
त्यस्तै लेखापरिक्षक नियुक्ति र पारिश्रमिक निर्धारण, र नाफा/नोक्सान हिसाब सहित बैंकको वासलातमाथि छलफल गरि पारित गर्ने लगायतका एजेण्डा सभामा रहेका छन् ।
चालु आर्थिक वर्षको पहिलो त्रैमासमा ६३ करोड ३३ लाख ४३ हजार रुपैयाँ खुद नाफा कमाएको एभरेष्टको प्रतिशेयर आम्दानी ३१ रुपैयाँ ५६ पैसा छ ।
