इन्भेष्टमेण्ट फोरमका अध्यक्ष अम्विकाप्रसाद पौडेलले मंगलवार कार्यदलमा लगानीकर्ताबाट प्राप्त भएका सुझाबहरु बारे छलफल भएको र भोलीबाट प्रतिवेदन लेख्ने प्रकृया अगाडि बढ्ने जानकारी दिए ।
यता, नेप्से कार्यालयमा रिले अनसनमा बसेका लगानीकर्ता दवाव समूहका प्रतिनिधिहरुले भने कार्यदलमा भइरहेको काम कारवाहीप्रति असन्तुष्टि जनाएका छन् ।
दवाव समूहले एक बिज्ञप्ति जारी गर्दै अनसनका कारण सरकार दवावमा परेर कार्यदल बनाउन बाध्य भएपनि कार्यदलले आफूहरुसँग कुनै छलफल नगरेको जनाएको छ ।
साधारण लगानीकर्ताहरुले अनसनलाई व्यापक समर्थन गरिरहेको बेला आफूहरुलाई बाइपास हुनेगरी प्रतिबेदन आए मान्न नसकिने निष्र्कष निकालेको छ ।
पूँजी बजारको बिकास र बिस्तारका सम्वन्धमा सात दिनभित्र सुझावसहितको प्रतिवेदन दिने म्यान्डेडसहित सरकारले गत साता डेपुटी गर्भनर शिवराज श्रेष्ठको संयोजकत्वमा एक समिति गरेको थियो । समितिमा बैकर्स संघका अध्यक्ष, लगानीकर्ता संघका प्रतिनिधिहरु, धितोपत्र बोर्ड र नेप्सेका प्रतिनिधि र अर्थ मन्त्रालयका बित्तिय क्षेत्र हेर्ने सहसचिव सदस्य छन् ।
नेप्से परिसरमा जारी अनसनको प्रमुख बुँदा अर्थमन्त्री डा युवराज खतिवडाको राजीनामा भएकोले दवाव स्वरुप कार्यदल गठन गरिएको अनुमान गरिएपनि अनसनरत लगानीकर्ता दवाव समूहका प्रतिनिधि भने कार्यदलमा छैनन् ।
