म्याक्रोले सन् २०१९ देखि न्युनतम तलब मासिक एक सय यूरो बढाउने घोषणा गरेका छन् ।
कम आय भएका र पेन्सन बुझ्दै आएकाहरुमा लगाइएको कर पनि खारेज गरिएको छ । म्याक्रोले भने, ओभर टाइम आयमा पनि अब कर लाग्ने छैन र रोजगारदाताहरुलाई वर्षको अन्तिममा कर छुट एकमुस्ट बोनस दिने गरी प्रोत्साहित गरिने छ ।
यद्यपी म्याक्रोले देशका धनीहरुलाई कर लगाउन अस्वीकार गर्दै भने, ‘यसले हामीलाई कमजोर बनाउँछ तर हामीलाई नयाँ रोजगारी सिर्जना गर्न जरुरत छ ।’
इन्धनमाथिको करवृद्धि, महंगी र अन्य कयौँ मुद्दालाई लिएर फ्रान्समा विगत ४ हप्तादेखि हिंसात्मक प्रदर्शन जारी छ ।
म्याक्रोले अबदेखि फ्रान्सका सबै क्षेत्रका मेयरहरुसँग भेट्ने र जनताका समस्या बुझेर समाधानको पहल गर्ने समेत आश्वासन दिए । एजेन्सी
