आइतबार र सोमबार लगातार दुईदिन दोहोरो अंकले बजार बढ्दा २३ अंक माथि उक्लिएको थियो । मंगलबार नेप्से ३.०८ अंकले घटेर ११४१.१० अंकमा झरेको छ । कारोबारमा आएका दश उपसमूहमध्ये तीनवटा मात्र सकारात्मक रहेपछि समग्र बजार नकारात्मक देखियो ।
दुईदिन लगातार बजार बढ्दा नाफा बुकिङ् गर्नतर्फ लगानीकर्ता लागेपछि बजारमा बिक्री चाप देखिएको हो । जसले गर्दा कम्पनीहरुको शेयरमूल्य घट्दा समग्र बजार ओरालो लाग्यो । अर्कोतर्फ लगानीकर्ताहरुको आन्दोलनको कार्यक्रम जारी छ । बजारको अध्ययन गर्न गठित समितिले काम अघि बढाइरहेको अवस्थामा लगानीकर्ताहरु अध्ययन समितिको प्रतिवेदनको पर्खामा समेत रहेको देखिन्छ ।
यसदिन १६४ कम्पनीकाृे ३८ करोड बराबरको शेयर किनबेच भयो । सबैभन्दा धेरै नेपाल बैंकको १३ करोड बढीको शेयर किनबेच भएको छ । गुह्श्वरी मर्चेन्टको शेयरमूल्य सबैभन्दा धेरै आठ प्रतिशत बढीले उकालो लागेको बजारमा मञ्जुश्री फाइनान्सको शेयरमूल्य सबैभन्दा धेरै सात प्रतिशत बढीले ओरालो लागेको छ ।
