फाइनान्सले मंसिर २१ गते सर्वजानिक गरेको सुचनामा त्रुटी भएको भन्दै संशोधन गरिएको जनाएको छ । आज मंसिर २५ गते नेप्सेमा सुचना प्रकाशित गर्दै फाइनान्सले ११ औं बार्षिक साधारण सभामा चुक्ता पूँजी ८० करोड ४० लाख रुपैयाँको २.९ प्रतिशत मात्रै नगद लाभांश वितरण गर्ने प्रस्ताव पेश गर्ने भएको हो ।
फाइनान्सले पुष १६ गते थापागाँउ ब्यांकेट, नयाँ बानेश्वर काठमाडौंमा बिहान ११ बजे साधारण सभा बोलाएको छ ।
सााधारण सभामा फाइनान्सले उपयुक्त अन्य कुनै बैंक तथा वित्तिय संस्थाको पहिचान गरी मर्जरमा तथा एक्वीजिशनमा जाने संकेत गरेको छ । सभाले मर्जर तथा प्राप्तीका लागि फाइनान्सको सम्पत्ति तथा दायित्व मूल्याङ्कन गर्न मूल्याङ्कनकर्ता नियुक्ति, पारिश्रमिक निर्धारण, समझदारीपत्रमा हस्ताक्षर गर्ने लगायतका अन्य आवश्यक सबै प्रकृया पूरा गर्न सञ्चालक समितिलाई अख्तियारी प्रदान गर्ने रहेको छ ।
साधारण सभा प्रयोजनका लागि फाइनान्सले पुस ३ गते बुक क्लोज गर्ने भएको छ । जसअनुसार पुस २ गतेसम्म कायम शेयरधनीले मात्र साधारण सभामा भाग लिन र नगद लाभांश प्राप्त गर्नेछन् ।
चालु आर्थिक बर्षको प्रथम त्रैमासमा फाइनान्सको प्रतिशेयर आम्दानी ५ रुपैयाँ ३१ पैसा, प्रतिशेयर नेटवर्थ १०८ रुपैयाँ ४३ पैसा छ ।