बैंकले पुस २३ गते सोमबार राष्ट्रिय सभा गृह प्रदर्शनीमार्गमा बिहान ११ बजे साधारण सभा डाकेको हो ।
सभाले बैंक सञ्चालक समितिको मंसिर ६ गते बिहीबार बसेको बैठकले लगानीकर्तालाई प्रस्ताव गरेको ५ प्रतिशत बोनस शेयरका साथै ८.१६ प्रतिशत नगद लाभांश वितरण गर्न अनुमति दिनेछ ।
बैंकले साधारण सभा प्रयोजनका लागि पुस ९ गते शेयरधनी दर्ता पुस्तिका बन्द गर्ने निर्णय गरेको छ । यसअनुसार पुस ८ गतेसम्म कायम रहने शेयरधनीले मात्र लाभांश पाउनेछन् ।
त्यसैगरि सिद्धार्थ क्यापिटलको सहित बैंकको आर्थिक वर्ष २०७४/७५ को नाफा नोक्सान सहितको वार्षिक प्रतिवेदन पारित गर्ने, लेखापरिक्षक नियुक्ति, प्रबन्धपत्र तथा नियमावली संसोधन, संस्थागत सामाजिक उत्तरदायित्व वापत भएका खर्च अनुमोदन गर्ने लगायतका प्रस्ताव रहेको छ ।
सभाबाट अनुमाेदन भएकाे गत आर्थिक वर्षको सञ्चित रकमबाट हालको चुक्त्ता पूँजी ८ अर्ब ४६ करोड रुपैयाँको ५ प्रतिशत बराबरको ४२ करोड ३२ लाख १९ हजार २६४ रुपैयाँ बराबरको बोनस शेयर तथा कर प्रयोजन सहित ६९ करोड ०६ लाख ९३ हजार ८३८ रुपैयाँ नगद लााभांश वितरण गर्न बाटाे खुला हुनेछ ।
हाल ८ अर्ब ४६ करोड ४३ लाख ८५ हजार २७६ रुपैयाँ चुक्ता पूँजी रहेको बैंकको बोनस शेयर पूँजीकरण पश्चात ८ अर्ब ८८ करोड ७६ लाख चार हजार ५४० रूपैयाँ चुक्त्ता पूँजी पुग्नेछ ।
बैंकले चालु आर्थिक वर्षको पहिलो त्रैमासमा ३६ करोड ६९ लाख रुपैयाँ खुद नाफा आर्जन गरेको छ । बैंकको प्रतिशेयर आम्दानी २४ रुपैयाँ ८१ पैसा र प्रतिशेयर नेटवर्थ १६६ रुपैयाँ ४९ पैसा छ ।
