फाइनान्सले यसअघि ९ प्रतिशत नगद लाभांश घोषणा गरेको थियो । तर उसले मंसिर २१ गते सर्वजानिक गरेको सुचनामा त्रुटी भएको भन्दै फेरि मंसिर २५ गते नेप्सेमा सूचना प्रकाशित गरि नगद लाभांशदर २.९ प्रतिशतमा झारेको थियो ।
फाइनान्सले पुस १६ गते थापागाँउ ब्यांकेट, नयाँ बानेश्वर काठमाडौंमा बिहान ११ बजे ११ औं बार्षिक साधारण सभा बोलाएको छ । सो सभाले चुक्ता पूँजी ८० करोड ४० लाख रुपैयाँको २.९ प्रतिशत मात्रै नगद लाभांश वितरण गर्ने प्रस्ताव अनुमोदन गर्नेछ ।
सााधारण सभामा फाइनान्सले उपयुक्त अन्य कुनै बैंक तथा वित्तिय संस्थाको पहिचान गरी मर्जरमा तथा एक्वीजिशनमा जाने संकेत गरेको छ ।
सभाले मर्जर तथा प्राप्तीका लागि फाइनान्सको सम्पत्ति तथा दायित्व मूल्याङ्कन गर्न मूल्याङ्कनकर्ता नियुक्ति, पारिश्रमिक निर्धारण, समझदारीपत्रमा हस्ताक्षर गर्ने लगायतका अन्य आवश्यक सबै प्रकृया पूरा गर्न सञ्चालक समितिलाई अख्तियारी प्रदान गर्ने रहेको छ ।
चालु आर्थिक बर्षको प्रथम त्रैमासमा फाइनान्सको प्रतिशेयर आम्दानी ५ रुपैयाँ ३१ पैसा छ । फाइनान्सको शेयरमूल्य पुस १ गते आइतबार प्रतिकित्ता ११५ रुपैयाँमा कारोबार भएको छ । लाभांश घटाएपछि फाइनान्सकाे शेयरमूल्य घट्दाे क्रममा रहेकाे छ ।