शेयर बजार सुधार र विस्तारका लागि विभिन्न १४ बुँदे माग राखेर गत मंसिर २३ गतेदेखि रिले अनशन थालेको लगानीकर्ताले सरकारले गठन गरेको उच्चस्तरीय अध्ययन समितिले धोका दिएको भन्दै आमरण अनशन थालेको हो ।
दवाब समूहका संयोजक हरि ढकाल र समूहबाट अर्थमन्त्रालयमा वार्ता गर्न गएका तिलक कोइराला सोमबारदेखि नेपाल स्टक एक्सचेञ्जको मूल गेट अगाडि आमरण अनसनमा बसेका हुन् ।
दबाब समूहले शेयर लगानीकर्ताहरुलाई कारोबार समेत नगर्न अपिल गरेको थियो । दबाब समूहको आन्दोलनलाई साथ दिदै बजार खुलेको आधा घण्टासम्म कुनै पनि कारोबार हुन सकेको छैन । नेप्सेको वेवसाइटमा अघिल्लो दिनकै डेटाहरु डिस्प्ले भईरहेको छ ।
दवाब समूहले आमरण अनसन बसिसकेपछि वार्ताको पूर्व शर्तको रुपमा धितोपत्र बोर्डका अध्यक्ष र ,नेप्सेका अध्यक्ष ,बिमा समितिका अध्यक्ष र नेपाल राष्ट्रबैंकका गभर्नरको बर्खास्तीको अडान अगाडि सारेको छ ।