यसअघि कृषि विकास बैंकले १९ लाख ६८ हजार ५७५ कित्ता शेयर २०७४ माघ २७ देखि फागुन १२ गतेसम्म लिलाममा बिक्री गरेको थियो । भने प्राेगेशिभ फाइनान्सले २१ लाख २० हजार ६०४ कित्ता शेयर लिलामी मार्फत बिक्री गरेकाे छ ।
एनसीसी बैंकले ६५ लाख १६ हजार ७९५ कित्ता शेयर संस्थापक र १३ लाख ९४ हजार १९८ गरि कूल ७९ लाख १० हजार ९९३ कित्ता शेयरमा बढाबढमा बोलपत्र आह्वान गरेको हो । यसमा इच्छुक लगानीकर्ताले पुस २० गते शुक्रबारसम्म आवेदन दिन सक्नेछन् ।
बैंकको हकप्रल शेयर बिक्री प्रबन्धक सनराइज क्यापिटल रहेको छ । लिलामी गर्न इच्छुकले बिक्री प्रबन्धकको कार्यालय कमलपोखरी, र एनसीसी बैंकका विराटनगर, विरगञ्ज, बुटवल, पोखरा, नेपालगञ्ज, सुर्खेत, धनगढी, नारायणगढ, बनेपा, र मुख्य शाखा कार्यालय बागबजारबाट शिलबन्दी बोलपत्र पेश गर्न सक्नेछन् ।
बोलपत्र आवेदन एक सय रुपैयाँ तिरेर माथिका स्थानहरुबाट प्राप्त गर्न र बुझाउन सकिनेछ । बोलपत्र पेश गर्दा संस्थापक एक हजार कित्तादेखि ६५ लाख १६ हजार ७९५ कित्ता र साधारण एक सय कित्तादेखि लिलामीमा आएको सबै कित्ताको लागि माग गर्न सकिनेछ ।
आवेदन रकम बैंकले उपलब्ध गराएको बैंक खाता नम्बरमा जम्मा गरि सक्कल भौचर समेत पेश गर्नुपर्छ । त्यस्तै दश लाख रुपैयाँभन्दा बढीको आवेदन दिनेले प्यान नम्बर आवेदन फारममा उललेख गर्नुपर्छ ।
एनसीसीले गत भदौ ४ देखि असोज २२ गतेसम्म २ः१ अनुपातमा २ करोड ३३ लाख ९५ हजार २९१ कित्ता हकप्रद सेयर निष्काशन गरेको थियो ।
बैंकले लिलामीबाट उल्लेखित सेयर बिक्री गरेर चालु आर्थिक वर्षमा बैंकले ठूलै रकम प्रिमियम वापत संकलन गर्नेछ । बैंकले हकप्रद बिक्रीबाट आएको रकम तरलता व्यवस्थापन, शाखा विस्तार लगायत काममा खर्च गर्ने यस अघि नै बताई सकेको छ ।
