गण्डकी प्रदेशका स्वास्थ्य निर्देशक डा.पौडेल विरुद्ध भ्रष्टाचार मुद्धा दायर

Dec 18, 2018 Merolagani

गण्डकी प्रदेश पोखराका प्रमुख एवं प्रदेश स्वास्थ्य निर्देशक डा. तारानाथ पौडेल विरुद्ध अख्तियारले भ्रष्टाचार मुद्धा दायर गरेको छ । अहेवको लिखित परीक्षामा उत्तीर्ण भएका परिक्षार्थीलाई लोकसेवाको अन्तर्वार्तामा पास गराइदिने भन्दै रकम लिईसकेको अवस्थामा पौडेललाई अख्तियारले पक्राउ गरेर अनुसन्धान थालेको थियो ।

अख्तियारको अनुसन्धानबाट भ्रष्टाचार भएको ठहर पछि मंगलबार पौडेल विरुद्ध विशेष अदालतमा मुद्धा दायर गरिएको अख्तियारका प्रवक्ता रामेश्वर दंगालले जानकारी दिए ।

अनुसन्धानमा पौडेलले भ्रष्टाचार निवारण ऐन, २०५९ को दफा ३ को उपदफा १ बमोजिम कसुर गरेको देखिन आएको अख्तियारको आरोप पत्रमा उल्लेख छ ।

आरोपित निर्देशक डा. पौडेललाई बिगो एक लाख कायम गरी भ्रष्टाचार निवारण ऐन, २०५९ को दफा ३ को उपदफा १ र सोही दफाको उपदफा १ को ग बमोजिम सजाय मागदाबी गरिएको छ ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।