बैंक सञ्चालक समितिले प्रस्ताव गरेको उक्त लाभांश नेपाल राष्ट्र बैंकबाट स्वीकृत भएर बैंकको आगामी वार्षिक साधारण सभाले अनुमोदन गरेपछि मात्र वितरण हुनेछ ।
हाल मेगा बैंकको चुक्ता पूँजी १० अर्ब २८ करोड ५५ लाख २६ हजार ५७८ रुपैयाँ रहेको छ । बैंकले प्रस्ताव गरे अनुसार १० करोड ३० लाख ९४ हजार ८७५ रुपैयाँ ८० पैसा बोनसमा र ७० करोड ४५ लाख ५८ हजार ५७० रुपैयाँ ५९ पैसा नगद लाभांश गरि कूल ८० करोड ७६ लाख ५३ हजार ४४६ रुपैयाँ ३९ पैसा लाभांशमा खर्च गर्नेछ । गत आर्थिक वर्षमा बैंकले एक अर्ब ४ करोड ७१ लाख ३१ हजार रुपैयाँ वितरण योग्य नाफा आर्जन गरेको थियो ।
अघिल्लो आर्थिक वर्षमा बैंकले १०.७५ प्रतिशत बोनस वितरण गरेको थियो ।
प्रस्तावित बोनसपछि मेगाको चुक्ता पूँजी १० अर्ब ३८ करोड ८६ करोड २१ हजार ४५३ रुपैयाँ पुग्नेछ । चालु आर्थिक वर्षको पहिलो त्रैमासमा मेगा बैंकले ४० करोड ४५ लाख ७३ हजार रुपैयाँ खुद नाफा कमाएर प्रतिशेयर आम्दानी १५ रुपैयाँ ४४ पैसा कायम गरेको छ।