नेप्सेले लघुवित्तको १५ प्रतिशत बोनसलाई समायोजन गरि प्रतिकित्ता शेयरमूल्य ४६५ रुपैयाँ २२ पैसा निर्धारण गरेको छ । बिहीबार नेरुडेको शेयर कारोबार समायोजित मूल्यलाई आधार मानेर खुलेको छ ।
कम्पनीको नेप्सेमा कारोबार भएको १८० दिनको शेयरमूल्यका आधारमा औसत आधारमूल्य ७१२ रुपैयाँ तोकिएको छ ।
कम्पनीले १५ प्रतिशत बोनस शेयर र ५.७९ प्रतिशत नगद लाभांश पारित गर्न पुस २० गते उद्योग संगठन मोरङको सभाहल विराटनगरमा बिहान ११ बजे वार्षिक साधारण सभा आह्वान गरेको छ ।
सभाले ५ करोड १८ लाख ६७ हजार रुपैयाँ बराबरको बोनस र २ करोड १८ हजार ८४२ रुपैयाँ नगद लाभांश वितरण गर्ने प्रस्ताव अनुमोदन गर्ने तयारी गरेको छ । लाभांश वितरणका लागि लघुवित्तले बिहीबार बुकक्लोज गरेकाल पुस ४ गते बुधबारसम्म कायम शेयरधनीले मात्र कम्पनीले वितरण गर्ने लाभांश पाउनेछन् ।
हाल ३४ करोड ५७ लाख रुपैयाँ चुक्ता पूँजी रहेको यस लघुवित्तको १५ प्रतिशत बोनसपछि ३९ करोड ७६ लाख रुपैयाँ पुग्नेछ ।
चालु आर्थिक वर्षको पहिलो त्रैमासमा कम्पनीले ५ करोड ६४ लाख रुपैयाँ खुद नाफा कमाएको छ । यस अवधिमा कम्पनीको प्रतिशेयर आम्दानी १६ रुपैयाँ ३२ पैसा, प्रतिशेयर नेटवर्थ १९८ रुपैयाँ २२ पैसा र मूल्य आम्दानी अनुपात ३९.०४ गुणा बढी छ ।
