पुस ५ गते बिहीबार बैंकको शेयर प्रतिकित्ता १२५ रुपैयाँ हाराहारीमा कारोबार भैरहेको छ ।
बैंकले गत वर्षको नाफाबाट ५.०३६ प्रतिशत नगद र ३ प्रतिशत बोनस शेयर गरि कूल ८०३६ प्रतिशत लाभांश वितरण गर्न पुस २८ गते उद्योग संगठन विराटनगरमा बिहान १०।३० बजे साधारण सभा आह्वान गरेको छ ।
सभाले दुई करोड ५६ लाख १० हजार ५८३ रुपैयाँ नगद र एक करोड ५२ लाख ५५ हजार ३०० रुपैयाँ बोनस अनुमोदन गर्नेछ ।
त्यस्तै, आर्थिक वर्ष २०७४/७५ को वार्षिक प्रतिवेदन सहित लेखापरिक्षक नियुक्ति र पारिश्रमिक निर्धारण पनि सभाकाे एजेन्डा रहेको छ ।
हाल ५० करोड ८५ लाख १० हजार रुपैयाँ चुक्ता पूँजी रहेको सप्तकोशीको बोनस वितरणपछि ५२ करोड ३७ लाख ६५ हजार ३०० रुपैयाँ पुग्नेछ ।
चालु आर्थिक वर्षको पहिलो त्रैमासमा बैंकले १६ लाख २२ हजार रुपैयाँ मात्र खुद नाफा कमाएर प्रतिशेयर आम्दानी ३२ पैसाकायम गरेको छ ।