बैंकले बिहीबार एक विज्ञप्ती जारी गर्दै १२ प्रतिशतले मासिक रुपमा ब्याज प्राप्त गर्ने विशेष मुद्दती योजना पुस ५ गतेदेखि लागू हुने गरी बन्द गरिएको जनाएको हो ।
तरलता अवस्थालाई मध्येनजर गरी यस बैंकद्वारा लागु गरिएको वार्षिक १२ प्रतिशतले मासिक रुपमा ब्याज प्राप्त गर्ने विशेष मुद्दती योजना बन्द गरिएकाे बैंकले जनाएकाे छ । यससँगै अन्य एक दर्जन वाणिज्य बैंकले पनि बढाएकाे ब्याजदर भाेलिबाट घटाउन दबाब परेकाे छ ।
राष्ट्र बैंकको दवाबपछि बैंकहरुले गरे व्याजदर घटाउने निर्णय, नयाँ व्याजदर कति ?
बिहीबार राष्ट्र बैंकले बालुवाटार कार्यालय अगाडिको एक रेष्टुरेन्टमा सबै वाणिज्य बैंकका प्रमुख कार्यकारी अधिकृतहरुको आकस्मिक बैठकमा ब्याजदरमा भद्र सहमति गरेर अगाडि बढ्न निर्देशन दिएका थिए ।
मुद्रा तथा पूँजीबजारका समस्या अध्ययन गर्न गठित कार्यदलले सुधारका लागि सुझाब दिइसकेको भन्दै ब्याजदरमा छाडा नभई संयमित भएर सहमति गर्न निर्देशन दिएका थिए ।
बैंकहरुले क्षमता नहेरी ऋण बढाएका कारण समस्या आएको भन्दै केन्द्रीय बैंकले दिएको निर्देशन नमान्ने बैंकलाई राष्ट्र बैंकले कारवाही गर्ने चेतावनी समेत दिएका थिए ।
राष्ट्र बैंकको चेतावनीसँगै वाणिज्य बैंकहरुले अब यसअघि प्रतिस्पर्धाी रुपमा बढाइएको मुद्धती निक्षेपको ब्याजदर फिर्ता गर्ने विश्वास गरिएको छ । यसअघि वाणिज्य बैंकले मुद्धती निक्षेपमा १३ प्रतिशतसम्म ब्याजदरको सूचना प्रकाशन गर्दै बचत आह्वान गरेका थिए ।
यसअघि बैंकर्स संघले ब्याजदरमा गरिएको भद्र सहमति भङ्ग गर्दै ब्यक्तिगत मृद्धती निक्षेपको ब्याजदरको सीमा बैंकले तोक्नसक्ने जनाएको थियो । जसले एक दर्जन बढी बैंकले १३ प्रतिशत ब्याजको सूचना प्रकाशन गरेका थिए ।
