बैंक सञ्चालक समितिका पुस ५ गते बिहीबार ३ बजे सम्पन्न ३४८ औं बैठकले साे लाभांश वितरण गर्ने प्रस्ताव गरेकाे हाे । सञ्चालक समितिको निर्णय नेपाल राष्ट्र बैंकबाट स्वीकृत भएर बैंकको आगामी वार्षिक साधारण सभाले अनुमोदन गरेपछि मात्र शेयरधनीलाई विरण हुनेछ ।
प्राइमको हाल चुक्ता पूँजी ८ अर्ब ३ करोड ३२ लाख ९९ हजार रुपैयाँ रहेको छ। १६ प्रतिशत बराबरको एक अर्ब २८ करोड ५३ लाख २७ हजार ८४० रुपैयाँ बोनस वितरणपछि बैंकको चुक्ता पूँजी ९ अर्ब ३१ करोड ८६ लाख २६ हजार ८४० रुपैयाँ पुग्नेछ ।
नेपाल फाइनान्सिङ रिर्पोटिङ्ग स्टाण्डर्ड (एनएफआरएस) अनुसार आर्थिक वर्ष २०७४/७५ को चौथो त्रैमासमा बैंकले एक अर्ब ८९ करोड २० लाखको वितरणयोग्य मुनाफा आर्जन गरेको थियो । जसबाट एक अर्ब २८ करोड ५३ लाख लाभांश बाँड्नेछ ।
चालु आर्थिक वर्षको पहिलो त्रैमासमा बैंकले ५८ करोड १९ लाख २९ हजार रुपैयाँ खुद नाफा कमाएर प्रतिशेयर आम्दानी २८ रुपैयाँ ९८ पैसा कायम गरेको छ ।
सम्बन्धित समाचारहरू:-
प्राइम बैंकले ओम डेभलपमेन्टलाई प्राप्ति गर्न राष्ट्र बैंकबाट पायो सैद्धान्तिक स्वीकृती
तोकिएको पूँजी पुर्याएका बैंकहरुको मर्जरले अन्य बैंकहरुलाई समेत दबाव
यस्तो छ २७ वाणिज्य बैंकको गत बर्षको नाफा, चार बैंकको बाहेक सबैको बढ्यो
