साधारण सभामा बैंकले उपयुक्त बैंक तथा वित्तीय संस्था प्राप्ती गर्ने वा आफैँ एक आपसमा गाभिने प्रयोजनका लागि स्वदेशी तथा विदेशी रणनीतिक साझेदारीमा जान आवश्यक सहमति र सम्झौता लगायतका काम गर्न सञ्चालक समितिलाई अख्तियारी दिने भएको हो ।
साथै बैंकले सम्बन्धित निकायको स्वीकृती लिई बैंक आफैँ वा सहायक कम्पनी मार्फत शेयर ब्रोकर सम्बन्धि कार्य गर्ने व्यवस्था प्रबन्धपत्रमा थप गर्न विशेष प्रस्ताव गरेको छ ।
बैंकको नवौं वार्षिक साधारण सभाले गत आर्थिक वर्षको नाफाबाट शेयरधनीलाई वितरण गर्न प्रस्ताव गरेको हालको चुक्ता पूँजीको ८.५० प्रतिशत अर्थात ६८ करोड ६६ हजार रुपैयाँ बराबरको नगद लाभांश स्वीकृत गर्नेछ ।
साधारण सभा प्रयोजनका लागि बैंकले पुस १६ गते शेयरधनी दर्ता पुस्तिका बन्द गर्ने जनाएको छ । जस अनुसार पुष १५ गतेसम्म कायम शेयरधनीले मात्र लाभांश प्राप्त गर्ने छन् ।
हाल बैंकको चुक्ता पूँजी ८ अर्ब ७ लाख ८६ हजार रुपैयाँ छ । चालू आर्थिक वर्षको पहिलो त्रैमासमा बैंकले ३२ करोड १९ लाख रुपैयाँ खुद नाफा कमाएको छ ।
गत वर्षको यहि अवधिमा बैंकले १६ करोड १३ लाख रुपैयाँ खुद नाफा कमाएको थियो । गत वर्षको यसै अवधिको तुलनामा बैंकको खुद नाफा ९९.४८ प्रतिशतले बढाएको हो ।
गत आर्थिक वर्षमा बैंकले ९३ करोड ४७ लाख रुपैयाँ बढी वितरण योग्य मुनाफा आर्जन गरेको थियो भने एक अर्ब ७९ करोड खुद नाफा कमाएको थियो । बैंकको प्रतिशेयर आम्दानी १६ रुपैयाँ १० पैसा, प्रतिशेयर नेटवर्थ १२९ रुपैयाँ ३२ पैसा र मूल्य आम्दानी अनुपात ११.९३ गुणा बढी छ ।