लघुवित्तको सञ्चालक समितिको पुस ६ गते बसेको ७६ औं बैठकले पुस २९ गते संस्थाको केन्द्रीय कार्यालय दुहवी सुनसरीमा दिउँसो ११ बजे साधारण सभा डाकेको हो ।
साधारण सभा प्रयोजनको लागि माइक्रोफाइनान्सले पुस १५ गते बुकक्लोज गर्ने जनाएको छ । त्यस अनुसार पुस १२ गते सम्म कायम शेयरधनीले मात्रै लाभांश पाउनेछ ।
साधारण सभामा माइक्रोफाइनान्सले गत आर्थिक वर्ष सम्म कायम चुक्ता पूँजी ३० करोड रुपैयाँको २० प्रतिशतले हुन आउने ६ करोड रुपैयाँ नगद लाभांश र २५ प्रतिशतले हुन आउने ७ करोड ५० लाख रुपैयाँ बराबरको लाभांश वितरण गर्ने प्रस्ताव पारित गर्नेछ ।
हाल ३० कराेड एक लाख ६५ हजार रुपैयाँ चुक्ता पूँजी रहेको फरवार्डको २५ प्रतिशत बोनस वितरणपछि ३७ करोड ५२ लाख रुपैयाँ चुक्ता पूँजी पुग्नेछ ।
यस्तै साधारण सभामा संस्थाको जारी तथा चुक्ता पूँजी वृद्धि गर्नेबारे पनि छलफल गर्ने तयारी गर्दैछ । साधारण सभामा सञ्चालक समितिको तर्फबाट अध्यक्षले प्रस्तुत गर्ने प्रतिवेदन छलफल गरी पारित गर्नेछ र आर्थिक वर्ष २०७४/७५ को लेखापरिक्षकको प्रतिवेदन सहति वासलात, नाफा नोक्सान हिसाब तथा नगद प्रवाह विवरण माथि छलफल गरी पारित गर्ने तयारी गरेको छ ।
साधारण सभाले आर्थिक वर्ष २०७५/७६ का लागि लेखापरिक्षक नियुक्ती गरी पारिश्रमित तोक्ने तयारी पनि गरेको छ ।
चालु आर्थिक वर्षको पहिलो त्रैमासमा माइक्रोफाइनान्सले आठ करोड ४ लाख रुपैयाँ खुद नाफा कमाएर वार्षिक प्रतिशेयर आम्दानी १०७ रुपैयाँ १८ पैसा कायम गरेको छ ।