लघुवित्तको पुस १ गते बसेको सञ्चालक समितिको बैठकले पुस २६ गते अम्रपाली ब्याङक्वेटमा बिहान १०:३० बजे सत्रौं वार्षिक साधारण सभा आह्वान गरेको छ ।
लघुवित्तको सत्रौं साधारण सभाले २५ प्रतिशत बोनस (१२ करोड ५७ लाख ७७ हजार ६७५ रुपैयाँ) र ११.८४ प्रतिशत नगद (५ करोड ९५ लाख ७८ हजार ८९९ रुपैयाँ) गरि ३६.८४ प्रतिशत लाभांश वितरण गर्ने प्रस्तावलाई अनुमोदन गर्नेछ ।
त्यसैगरि लघुवित्तमा हाल कायम रहेका संस्थापक र सर्वसाधारण समूहको ७०ः३० शेयर अनुपात ५१ः४९ मा झार्ने प्स्ताव पनि रहेको छ । जसका लागि कम्पनीले १० करोड ४८ लाख १४ हजार ८०० रुपैयाँ बराबरको १० लाख ४८ हजार १४८ कित्ता एफपिओ निष्काशन गर्ने र ६ करोड ६० लाख ३३ हजार बराबरको संस्थापक शेयरलाई सर्वसाधारणमा रुपान्तरण गर्ने प्रस्तावलाई अनुमोदन गराउने एजेण्डा रहेको छ ।
हाल लघुवित्तको चुक्ता पूँजी ५० करोड ३१ लाख १० हजार ७०० रुपैयाँ रहेको छ । बोनस पश्चात लघुवित्तको चुक्ता पूँजी ६२ करोड ८८ लाख ८८ हजार ३७५ रुपैयाँ पुग्नेछ । यसमा लघुवित्तले १० करोड ४८ लाख १४ हजार ८२५ बराबरको साधारण शेयरको थप सार्वजनिक निष्काशन गरि जारी तथा चुक्ता पूँजी ७३ करोड ३७ लाख तीन हजार २०० रुपैयाँ कायम गर्ने प्रस्ताव समेत पारित गर्ने एजेण्डा रहेको छ ।
सभाले नाफा/नोक्सान हिसाबमाथि छलफल गरि वित्तीय प्रतिवेदन पारित गर्दै सर्वसाधारण तर्फको रिक्त सञ्चालक पदमा बाँकी अवधिका लागि सञ्चालक नियुक्ति गर्ने र स्वतन्त्र सञ्चालक समेत नियुक्त गर्नेछ ।