हड्तालमा बैंक कर्मचारीका तर्फबाट ४ र सरकारी अधिकारीहरुका तर्फबाट ५ यूनियन शामिल छन् । सरकारी बैंकहरुमा मर्जरको विरोधमा र तलब वृद्धिको माग गर्दे कर्मचारीहरुले हड्तालको निर्णय लिएको बताइएको छ ।
इन्डिया बैंक एसोसिएशनले ८ प्रतिशत तलब वृद्धिको प्रस्ताव दिएको छ । तर बैंक कर्मचारी संघले उक्त प्रस्ताव स्वीकार गरेका छैनन् । सन् २०१७ को नोभेम्बर महिनादेखि बैंक कर्मचारीको तलब बेरुजु छ ।
नेशनल अर्गनाइजेशन अफ बैंक वर्कर्सका अनुसार, बैंकमा सर्वसाधारणहरुको पनि शेयर रहेको छ । त्यसैले सरकारले कुनै पनि निर्णय आफैँ लिन सक्दैन । उनीहरुको माग रहेको छ कि, सबै सम्बन्धित पक्षहरुसँग वार्तापछि मात्र निर्णय हुनुपर्छ ।
कर्मचारी यूनियनले एक हप्ता नबित्दै गरेको यो दोस्रो हड्ताल हो । अल इन्डिया बैंक अफिसर्स कन्फेडरेसशन (एआईबीओसी) सँग सम्बन्धित कर्मचारीहरु शुक्रबार हडतालमा पनि थिए । आज दिनभर पनि बैंकका कुनै प्रकारको काम नहुने बताइएको छ । एजेन्सी