नेप्सेले ति कम्पनीहरूले धिताेपत्रकाे बजारमूल्यमा प्रभाव पार्ने सूचना सम्प्रेषण गर्दा नेप्से र सम्बन्धित कम्पनीबीच भएकाे सूचीकरण सम्झौता अनुसार नचलेर नियम विपरितकाे कार्य गरेकाे देखिएकाे भन्दै २४ घण्टा भित्र जवाफ पठाउन पत्राचार गरेकाे हाे ।
सूचीकृत कम्पनीहरूले धिताेपत्रकाे बजारमूल्यमा प्रभाव पार्ने सूचना समयमै नबुझाएको, कार्यतालिका अनुसार संस्था नचलेको भन्दै शेयर कारोबारमा रोक लगाइएको हो ।
नेप्सेले फरवार्ड कम्युनिटी माइक्रोफाइनान्स कम्पनीलाई सूचीकरण सम्झौताको बुँदा नम्बर ५ र १६ बमोजिम काम नगरेको भन्दै कारोबार रोक्का गर्ने निर्णय गरेको जनाएकाे छ ।
सूचीकरण सम्झौताको बुँदा नम्बर ५ मा संगठित संस्थाले लाभांश, बोनस वा हकप्रद शेयर निष्काशन गर्ने निर्णय गरेमा कुन मितिसम्म कायम रहने शेयरधनीले त्यस्तो लाभांश, बोनस वा हकप्रद पाउने हो सो सम्बन्धि जानकारी त्यस्तो निर्याय हुने वितिकै वा त्यसको भोलिपल्ट कारोबार सुरु हुनुअघि नेप्सेलाई दिनुपर्ने व्यवस्था छ ।
सम्झाैताकाे बुँदा नम्बर १६ मा संगठित संस्थाले वार्षिक साधारण सभा वा विषेश साधारण सभामा पेश गरिने वार्षिक प्रतिवेदन, वसलात नाफा नोक्सान हिसाव तथा अन्य जानकारी विवरण र छलफलका विषय शेयरधनी र नेप्सेलाई उपलब्ध गराउनुपर्ने व्यवस्था रहेकाे छ ।
यस्तै नेपाल कम्युनिटि डेभलपमेन्ट बैंकले सूचीकरण सम्झौताको बुँदा नम्बर १६ बमोजिम संगठित संस्थाले साधारणा सभाकाे जानकारीका साथ संलग्न गर्नुपर्ने वार्षिक साधारण सभा वा विषेश साधारण सभामा पेश गरिने वार्षिक प्रतिवेदन, वसलात नाफा नोक्सान हिसाब तथा अन्य जानकारी विवरण र छलफलका विषय शेयरधनी र नेप्सेलााई उपलब्ध नगरएको भन्दै कारोबार रोक्का गरेको हो ।
यस्ताे छ नेप्सेकाे स्पष्टिकरण पत्र:-