सन् २०१८ विश्व शेयर बजारका लागि २००८ पछिको सबैभन्दा खराब बर्ष

Jan 01, 2019 Merolagani

सन् २०१८ विश्व शेयर बजार दशककै सबैभन्दा खराब बर्ष हुन पुग्यो । कयौँ विश्व बजारमा एक दशकमा शेयर बजारका लगानीकर्ताहरुले आफ्नो सबैभन्दा खराब बर्षको सामना गरेर नयाँ प्रवेशमा प्रवेग गरेका छन् । सन् २००८ पछि उनीहरुले बजारमा सबैभन्दा खराब समयको सामना गर्नुपरेको हो ।

बर्षको सुरुवातदेखि नयाँ बर्षको पूर्वसन्ध्यामा बजार बन्द हुदाँसम्म एफटीएसई ११० सूचक १२ प्रतिशतले घटेर ६७२८.१३ अंकमा झरेको थियो ।

त्यसैगरी ठूला यूरोपेली र एशियाका बजारले पनि सन् २०१८ मा समान खालको गिरावटको सामना गरे । जबकि मुख्य अमेरिकी शेयर सूचंकले भने सन् २००८ पछिकै खराब आर्थिक संकटको सामना गर्नुपर्याे ।

डउ जोन्समा सन् २०१८ को अन्त्यसम्म ५.६ प्रतिशत, एस एण्ड पी ५०० ६.२ र टेक सम्बन्धि नेस्डाकमा ३.९ प्रतिशतले गिरावट देखिएको थियो ।

अमेरिका–चीन व्यापार युद्ध र विश्वको कमजोर आर्थिक वृद्धि शेयर बजारको सूचकमा ठूलो कमी आउनुको मुख्य कारक मानिएको छ ।

विश्लेषकहरूले अमेरिकाको राजनीतिक अनिश्चितता र ब्याजदरको वृद्धिको असर पनि शेयर बजारमा परेको बताएका छन् ।

यो वर्ष सकिनै लाग्दा अमेरिकाले अझै पनि आंशिक शटडाउनको सामना गरिरहेको छ । अवैध आप्रवासीहरुलाई रोक्नका लागि मेक्सिकोको सीमामा एउटा पर्खाल निर्माण गर्नुपर्ने माग लिएर राष्ट्रपति ट्रम्पले ५ अर्ब डलरको माग गरेका थिए । तर कंग्रेसले उक्त कोष जारी गर्न अस्वीकार गरेपछि सरकारी स्तरबाट अमेरिकामा आंशिक शटडाउनको घोषणा गरिएको थियो ।

राष्ट्रपति ट्रम्पले बारम्बार चीनसँग टीट फर ट्याटको व्यवहार गर्दै व्यापार करलाई बढाएर बर्षभर लगानीकर्ताहरुलाई चिन्तित बनाएको बताइएको छ । बर्षको अन्तिम महिनाको सुरुवातमा अमेरिका र चीन दुवै पक्षका बीच भएको भेटवार्ता पश्चात् उनीहरु नयाँ कर निलम्बन गर्ने कुरामा सहमत भएका थिए ।

ब्याजदरमा वृद्धि गर्नुपर्ने कुरालाई लिएर अमेरिकाको केन्द्रीय बैंक फेडरल रिजर्भ र राष्ट्रपति डोनाल्ड ट्रम्पबीच चलिरहेको विवादले पनि बजारलाई थप अन्यौलमा पारेको बताइएको छ ।

यसका साथै यूरोपेली शेयर बजार घट्नुको मुख्य कारणका रुपमा इटालीको बजेटबारे ब्रसेल्ससँगको विवाद, जर्मन चान्सलर एन्जेला मर्केलको सत्ताबारे फ्रान्समा भएको ‘गिल्ट जाउन्स’ आन्दोलन र ब्रेक्जिटसम्बन्धी विवाद पनि शामिल रहेको बताइएको छ ।

अमेरिकी शेयर बजारमा अन्य क्षेत्रको तुलनामा कम मात्रामा गिरावट आएको हो । सन् २०१७ मा ट्रम्प प्रशासनले गरेको १.५ ट्लिियन कर कटौती तथा रोजगारीमा सुधारको नीति पारित भएसँगै त्यसले अमेरिकाको शेयर बजारका लागि लागि केही सहयोग पुर्याएको बताइएको छ ।

सोमवार एशियाली बजार हङकङको हाङसेङ सन् २०१८ को बार्षिक १४ प्रतिशत घटेर बन्द भएको थियो । जबकि जापानी शेयर सूचक निक्की १५ प्रतिशत घटेको थियो भने चीनको साङ्घाई कम्पोजिट २५ प्रतिशत बार्षिक घटेको थियो ।

अमेरिका सहित विश्वका केही शेयर सूचकमा भने नयाँ वर्षको पूर्वसन्ध्याको कारोबारमा केही वृद्धि देखिएको थियो । जुन चीन र अमेरिकाबीच सम्बन्ध सुध्रिने संकेतसँगै बढेका थिए ।

राष्ट्रपति ट्रम्पले ट्वीट गर्दे चीनियाँ राष्ट्रपति सी जिङपिङसँग लामो र राम्रो कल भएको र एउटा सम्भावित व्यापार सम्झौताको लागि प्रक्रिया चलिरहेको बतासँगै लगानीकर्तामा उत्साह छाएको बताइएको छ । बीबीसी

comments powered by Disqus

सिटिजन्स र एक्सिस बैंक भारत बीच रेमिटेन्स सम्झौता

Jan 22, 2019

सिटिजन्स बैंक इन्टरनेसनल लिमिटेड र एक्सिस बैंक लिमिटेड, भारतबीच विप्रेषण सम्बन्धी सम्झौता भएको छ। यस अनुसार एक्सिस बैंक मार्फत भारतबाट नेपालमा रहेका आफन्त वा अन्य व्यक्तिहरुले भुक्तानी पाउने गरी पठाएको विप्रेषण रकम बैंकको ८१ वटा शाखाहरुबाट सहज रुपमा भुक्तानी पाउन सकिनेछ।