चीन र ताइवानका बीच फेरि बढ्यो तानातानी

Jan 03, 2019 Merolagani

चीनियाँ राष्ट्रपति शी जिङपिङले ताइवानका मानिसहरुलाई ताइवानले ‘चीनसँग मिल्नैपर्ने र मिलेर छाड्ने’ भएकाले यो कुरालाई स्वीकार गर्नका लागि भनेका छन् ।

ताइवानका साथ सम्बन्धमा सुधार पहलको ४० बर्ष पूरा भएको अवसरका दिइएको भाषणमा शी जिङपिङले चीनले एक देश दुई प्रणाली भएको व्यवस्था अनुरुप शान्तिपूर्ण एकीकरण चाहेको बताए ।

उनले चीनसँग शक्ति प्रयोग गर्ने अधिकार रहेको भन्दै चेतावनी समेत दिए । यद्यपी ताइवान स्वयम् शासित र वास्तविक रुपमा स्वतन्त्र रहेको छ तर उसले आधिकारीक रुपमा कहिल्यै पनि आफू चीनबाट स्वतन्त्र रहेको कुरा घोषित गरेको छैन ।

ताइवानलाई चीनले आफ्नो छुट्टिएको भाग मान्दै आइरहेको छ । यस्तोमा शी जिङपिङको बयान चीनको तााइवानलाई आफूसँग मिलाउने पुरानो नीति अनुरुप नै रहेको बताइएको छ ।

जिङपिङले दुवै पक्ष एकै चीनियाँ परिवारको हिस्सा भएको र ताइवानी मानिसहरुले स्वतन्त्रताले केबल समस्या मात्र लिएर आउने कुरालाई बुझ्नुपर्ने बताएका छन् । उनले ताइवानी स्वतन्त्रतालाई बढावा दिने कुनै पनि गतिविधि चीनका लागि असह्य भएको भन्दै चेतावनी समेत दिएका छन् ।

यसका साथै उनले ताइवानसँगको सम्बन्ध चीनको घरेलु राजनीतिको हिस्सा भएको र यसमा विदेशी हस्तक्षेप सह्य नहुने बताएका छन् ।

ताइवानका राष्ट्रपति साई इंग वेंगले आफ्नो देश चीनको शर्तका आधारमा कहिल्यै पनि एकीकरणका लागि तयार नहुने बताएका छन् ।

जिङपिङको सम्बोधनको एक दिन पहिले ताइवानका राष्ट्रपतिले भनेका थिए कि, चीनले ताइवानको अस्तित्वलाई स्वीकार गर्नुपर्नेछ र मतभेदलाई समाधान गर्नका लागि शान्तिपूर्ण साधनको प्रयोग गर्नुपर्नेछ । एजेन्सी

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।