चौतारी लघुवित्त बुधबार नेप्सेमा कूल १८ लाख ६० हजाार कित्ता शेयर सूचीकरण गराएको थियो । जसमध्ये ६ लाख कित्ता साधारण शेयर रहेको छ ।
नेप्सेले लघुवित्तको पहिलो कारोबारका लागि १११ रुपैयाँ ८८ पैसा देखि ३३५ रुपैयाँ ६५ पैसामा कारोबार गर्न सकिने ओपनिङ्ग रेञ्ज दिएको छ । यस रकमको आाधारमा शेयर कारोबार सुरु भएको हो ।
काराेबारकाे एक घण्टासम्म लघुवित्तकाे शेयर काराेबार भएकाे छैन ।
लघुवित्तले गत मंसिर १९ देखि २३ गतेसम्म ६ करोड रुपैयाँ बराबरको ६ लाख कित्ता शेयर निष्काशन गरि मंसिर २८ गते शुक्रबार बाँडफाँड गरेको थियो । साधारण शेयर निष्काशन अघि १२ करोड ६० लाख चुक्ता पूँजी रहेको लघुवित्त कम्पनीको आईपिओ बिक्रीपछि चुक्ता पूँजी १८ करोड ६० लाख रुपैयाँ पुगेको हो । यससँगै लघुवित्तमा संस्थापक साधारण शेयर अनुपात ७०ः३० कायम भएको छ ।
लघुवित्तले चालू आर्थिक वर्षको प्रथम त्रैमासमा लघुवित्तले ३७ लाख ४८ हजार रुपैयाँ खुद नाफा आर्जन गरेर प्रतिसेयर आम्दानी २० रुपैयाँ ९ पैसा कायम गरेको छ । उसको जगेडा कोषमा एक करोड २६ लाख रुपैयाँ सञ्चित छ ।
कम्पनीले चालु आर्थिक वर्षमा लघुवित्तले ३ करोड ७३ लाख ६५ हजार रुपैयाँ खुद नाफा कमाउने प्रक्षेपण गरेको छ । त्यस्तै आव २०७६/७७ मा ४ करोड ६८ लाख र आव २०७७/७८ मा ५ करोड ७९ रुपैयाँ खुद नाफा आर्जन गर्ने उसको अनुमान रहेको छ ।
बुटवलमा केन्द्रीय कार्यालय रहेको यस लघुवित्तले लुम्बिनी अञ्चलका ६ र राप्ती अञ्चलका ४ वटा जिल्लामा लघुवित्तीय कार्यक्रम सञ्चालन गर्दै आइरहेको छ ।
